ലഖ്‌നൗ: കുഞ്ഞിനെ കയ്യിലെടുത്ത് നിൽക്കുന്ന യുവാവിനെ ക്രൂരമായി മർദ്ദിച്ച പോലീസുകാരനെതിരെ നടപടി. ദയ ഒട്ടുമില്ലാതെ യുവാവിനെ ലാത്തി വെച്ച് മർദ്ദിച്ച ഉത്തർപ്രദേശ് പോലീസ് ഇൻസ്‌പെക്‌ടർ വിനോദ് കുമാർ മിശ്രയ്‌ക്ക് എതിരെയാണ് നടപടി. ഇയാളെ സർവീസിൽ നിന്ന് സസ്‌പെൻഡ് ചെയ്‌തു. കുഞ്ഞിനെ പിടിച്ചുനിൽക്കുന്ന യുവാവിനെ ക്രൂരമായി മർദ്ദിക്കുന്ന പോലീസുകാരന്റെ ദൃശ്യങ്ങൾ സമൂഹ മാദ്ധ്യമങ്ങളിൽ വൈറലായിരുന്നു.
सशक्त कानून व्यवस्था वो है जहां कमजोर से कमजोर व्यक्ति को न्याय मिल सके।
അടിക്കരുതെന്നും കുഞ്ഞിന്റെ ദേഹത്ത് കൊള്ളുമെന്നും യുവാവ് അപേക്ഷിക്കുന്നുണ്ടെങ്കിലും അതൊന്നും വകവെക്കാതെ പോലീസുകാരൻ മർദ്ദനം തുടരുകയായിരുന്നു. ഓടിമാറാൻ ശ്രമിക്കുന്ന യുവാവിൽ നിന്ന് കുഞ്ഞിനെ തട്ടിപ്പറിക്കാൻ പോലീസുകാർ ശ്രമിക്കുന്നതും വീഡിയോയിൽ വ്യക്‌തമാണ്‌. വീഡിയോ വ്യാപകമായി പ്രചരിച്ചതോടെ ബിജെപി നേതാവ് വരുൺ ഗാന്ധി അടക്കമുള്ളവർ പ്രതികരണവുമായി രംഗത്തെത്തിയിരുന്നു. ഭയം നിറഞ്ഞ് ജീവിക്കുന്ന സമൂഹം മികച്ച ഭരണത്തിന്റെ അടയാളമല്ലെന്ന കുറിപ്പോടെയാണ് വരുൺ ഗാന്ധി വീഡിയോ പങ്കുവെച്ചത്.
ആശുപത്രിയിൽ ശല്യമുണ്ടാക്കിയതിന് ഒരാളെ അറസ്‌റ്റ്‌ ചെയ്‌ത് കൊണ്ടുപോകുമ്പോൾ ചോദ്യം ചെയ്‌തതിനാണ് യുവാവിനെ പോലീസുകാർ മർദ്ദിച്ചത്. സാധാരണക്കാരനും നീതി ലഭിക്കണമെന്ന് വിവിധ രാഷ്‌ട്രീയ കക്ഷികൾ അടക്കം വിമർശനം ഉയർത്തിയതോടെയാണ് വിനോദ് കുമാറിനെതിരെ നടപടിയെടുത്തത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
