നീലേശ്വരം: നീലേശ്വരത്ത് വീണ്ടും സമ്പർക്കവ്യാപനമെന്ന് റിപ്പോർട്ട്. നഗരസഭയിൽ നേരത്തെ നടന്ന ആർ.ടി.പി.സി.ആർ പരിശോധനകളുടെ ഫലം വന്നപ്പോൾ ഇന്നലെ എട്ടു പേർക്ക് കോവിഡ് – 19 സ്ഥിരീകരിച്ചു.
പള്ളിക്കര കറുത്ത ഗേറ്റിലെ ക്വാർട്ടേഴ്സിലും സമീപത്തുമാണ് സമ്പർക്ക വ്യാപനം റിപ്പോർട്ട് ചെയ്തിരിക്കുന്നത്. ഇവിടെ ദിവസങ്ങൾക്കു മുൻപ് ഒരേ കുടുംബത്തിലെ 6 പേർക്ക് രോഗം സ്ഥിരീകരിച്ചിരുന്നു.
ക്വാർട്ടേഴ്സിൽ താമസിക്കുന്ന 34 വയസ്സുകാരി, ഇവരുടെ 10 വയസ്സുള്ള മകൾ, 18 വയസ്സുള്ള പെൺകുട്ടി, 27, 52, 54 വയസ്സുള്ള സ്ത്രീകൾ, ചുമട്ടു തൊഴിലാളിയുമായി സമ്പർക്കത്തിൽ വന്ന വട്ടപ്പൊയിലിലെ 36കാരൻ എന്നിവർക്കാണ് കോവിഡ് – 19 സ്ഥിരീകരിച്ചത്. കാഞ്ഞങ്ങാട് നഗരസഭാ പരിധിയിലെ ചേടിറോഡ് സ്വദേശിയുടെ പരിശോധനാഫലവും പോസിറ്റീവ് ആണ്.
കാസർകോട് പോലീസ് ആസ്ഥാനത്തു നടന്ന ആന്റിബോഡി ടെസ്റ്റിൽ പോസിറ്റീവ് ആയ നീലേശ്വരം സിഐയും പോലീസ് ഉദ്യോഗസ്ഥരും ഉൾപ്പെടെ 54 പേർ ഇന്നലെ ആർ.ടി.പി.സി.ആർ പരിശോധനയ്ക്കു വിധേയരായി.
അതേസമയം 6 ജീവനക്കാർക്കും ചിലരുടെ വീട്ടുകാർക്കും കോവിഡ് ബാധയുണ്ടായതിനെ തുടർന്ന് അടച്ചിട്ടിരുന്ന നീലേശ്വരം എൻ.കെ.ബി.എം ആശുപത്രി ഇന്നലെ തുറന്നു. ജൂലൈ 22 നാണ് ആശുപത്രി അടച്ചത്.
Note: This is a demo news content for trail run purpose