മലപ്പുറം : മലപ്പുറം ജില്ലയില്‍ കഴിഞ്ഞ ദിവസം 619 പേര്‍ക്ക് കൂടി കോവിഡ് സ്‌ഥിരീകരിച്ചു. അതേസമയം തന്നെ അതില്‍ ഏറെ പേർ കോവിഡ് മുക്‌തരായതാണ് ജില്ലയില്‍ ആശ്വാസം പകരുന്നത്. കഴിഞ്ഞ ദിവസം 721 പേരാണ് ജില്ലയില്‍ കോവിഡ് മുക്‌തരായത്. ജില്ലയില്‍ ഇന്നലെ രോഗം സ്‌ഥിരീകരിച്ചവരില്‍ 595 ആളുകള്‍ക്കും സമ്പര്‍ക്കത്തിലൂടെയാണ് രോഗബാധ ഉണ്ടായത്.
ഇന്നലെ കോവിഡ് സ്‌ഥിരീകരിച്ചവരില്‍ 10 പേര്‍ ഉറവിടം അറിയാത്ത ആളുകളാണ്. കൂടാതെ 10 പേര്‍ അന്യസംസ്‌ഥാനത്ത് നിന്ന് വന്നവരും, 4 പേര്‍ വിദേശത്ത് നിന്ന് വന്നവരുമാണ്. ഇന്നലെ പുറത്തുവന്ന കണക്കുകള്‍ കൂടി പരിശോധിക്കുമ്പോൾ ജില്ലയില്‍ നിലവില്‍ ചികില്‍സയില്‍ കഴിയുന്ന ആകെ ആളുകളുടെ എണ്ണം 6,986 ആണ്. നിലവില്‍ രോഗമുക്‌തരായ ആകെ ആളുകളുടെ എണ്ണം 72,944 ആയി ഉയര്‍ന്നിട്ടുണ്ട്.
Read also : അതിരപ്പിള്ളി തുറന്നു; ഇന്നലെ എത്തിയത് ആയിരത്തിനടുത്ത് സന്ദർശകർ
