തൊടുപുഴ: ജില്ലാ ആശുപത്രിയിലെ ഐസോലേഷന് വാര്ഡില്നിന്ന് രക്ഷപ്പെട്ട കോവിഡ് പോസിറ്റീവായ മോഷണക്കേസ് പ്രതിയെ പോലീസ് പിടികൂടി. ഇന്ന് ഉച്ചയോടെയാണ് പോലീസ് സംഘം പ്രതിയെ പിടികൂടിയത്. പിപിഇ കിറ്റ് ധരിപ്പിച്ച് പ്രതിയെ പിന്നീട് കോവിഡ് സെന്ററിലേക്ക് മാറ്റി.
ശനിയാഴ്ച പുലര്ച്ചെയാണ് 17വയസുകാരനെ മോഷണക്കേസില് തൊടുപുഴ പോലീസ് അറസ്റ്റ് ചെയ്തത്. തുടര്ന്ന് നടത്തിയ പരിശോധനയില് ഇയാള് കോവിഡ് പോസിറ്റീവാണെന്ന് കണ്ടെത്തി. പിന്നീട് പ്രതിയെ ജില്ലാ ആശുപത്രിയിലെ ഐസോലേഷന് വാര്ഡിലേക്ക് മാറ്റി.
ഇവിടെ നിന്നാണ് 17കാരന് അധികൃതരുടെ കണ്ണുവെട്ടിച്ച് രക്ഷപ്പെട്ടത്. ശനിയാഴ്ച രാത്രി വൈകിയും ആശുപത്രി പരിസരത്തും നഗരത്തിലും പ്രതിക്കായി തിരച്ചില് നടത്തിയെങ്കിലും കണ്ടെത്താനായിരുന്നില്ല. തൊടുപുഴ ടൗണ്ഹാളിന് സമീപത്തെ മൊബൈല് ഷോപ്പില് നിന്ന് 11 മൊബൈല് ഫോണുകളും അനുബന്ധ സാധനങ്ങളും കവര്ന്ന കേസിലാണ് ഇയാൾ അറസ്റ്റിലായത്.