തിരുവനന്തപുരം: നിലവിലെ പിണറായി വിജയന് സര്ക്കാരിന്റെ അവസാന ബജറ്റ് ധനമന്ത്രി തോമസ് ഐസക് നിയമസഭയില് അവതരിപ്പിച്ചു തുടങ്ങി. കോവിഡ് മഹാമാരി തീര്ത്ത കടുത്ത സാമ്പത്തിക പ്രതിസന്ധിക്കിടെ നടക്കുന്ന ബജറ്റ് പാലക്കാട് കുഴല്മന്തം ജിഎച്ച്എസ്എസിലെ ഏഴാം ക്ളാസ് വിദ്യാര്ഥിനി സ്നേഹയുടെ കവിതയോടെയാണ് അവതരിപ്പിച്ച് തുടങ്ങിയത്.
കോവിഡ് അടക്കമുള്ള വെല്ലുവിളികള് അതിജീവിക്കുന്നതിന്റെ കാര്യത്തിലും സമ്പദ്ഘടനയുടെ വീണ്ടെടുപ്പിന്റെ കാര്യത്തിലും കേരളത്തിന്റെ ആത്മവിശ്വാസം പ്രതീക്ഷയാണ്. സര്ക്കാരിനെ സംബന്ധിച്ച് ഓരോ പ്രതിസന്ധിയും പുതിയ അവസരങ്ങളുടെ മാതാവാണെന്നും ധനമന്ത്രി പറഞ്ഞു. സംസ്ഥാന സര്ക്കാരിന്റെ നേട്ടങ്ങള് എണ്ണി പറഞ്ഞുകൊണ്ട് ആയിരുന്നു ധനമന്ത്രി ബജറ്റ് അവതരണത്തിന് തുടക്കമിട്ടത്.
ഭൂതകാലത്തിന്റെ ക്ഷേമനേട്ടങ്ങള് നിലനിര്ത്തിക്കൊണ്ട് പുതിയ വികസന പാതയിലേക്ക് നയിക്കുന്നതായിരുന്നു കഴിഞ്ഞ അഞ്ച് ബജറ്റുകളും. ഇതിന്റെ തുടര്ച്ചയാകും 2021-2022 ലേക്കുള്ള ബജറ്റെന്നും മന്ത്രി പറഞ്ഞു.
Read also: കോതമംഗലം പള്ളി; സംസ്ഥാന സര്ക്കാര് ഹരജിയില് ഹൈക്കോടതി ഇന്ന് വാദം കേള്ക്കും