മലപ്പുറം: ചങ്ങരംകുളത്ത് ഗ്യാസ് സിലിണ്ടറുകൾ തൂക്കം കുറച്ച് മറിച്ചു വിൽപന നടത്തുന്ന സംഘം പിടിയിൽ. ബംഗാൾ സ്വദേശികളായ സാബോ സച്ചിൻ, ഹർദൻ ബെഹ്റ എന്നിവരാണ് പിടിയിലായത്. മലപ്പുറം ചങ്ങരംകുളം ചിയ്യാനൂരിൽ ആളൊഴിഞ്ഞ പ്രദേശം കേന്ദ്രീകരിച്ചാണ് സംഘത്തിന്റെ പ്രവർത്തനം. മുഖ്യപ്രതിക്കായി പോലീസ് അന്വേഷണം ആരംഭിച്ചു.
ചളിവെള്ളം ചൂടാക്കി പ്രഷർ കുറച്ചു മറ്റൊരു സിലിണ്ടറിൽ മാറ്റി റീഫിൽ ചെയുന്നതാണ് സംഘത്തിന്റെ പ്രവർത്തന രീതി. ഒഴിഞ്ഞ സ്‌ഥലത്തേക്ക്‌ ഭാരത് ഗ്യാസ് വാഹനം സ്‌ഥിരമായി പോകുന്നത് ശ്രദ്ധയിൽപ്പെട്ട വാർഡ് മെമ്പർ മജീദും പ്രദേശത്തെ സിവിൽ പോലീസ് ഓഫിസറായ മധുസൂധനനും ചേർന്ന് നടത്തിയ പരിശോധനയിലാണ് സംഘത്തെ പിടികൂടിയത്.
Most Read: മഴ കനക്കുന്നു, പ്രളയക്കെടുതി; മേഘാലയയിലും അസമിലും 31 മരണം
