പാലക്കാട്: ജില്ലയിൽ അനർഹമായി റേഷൻ കാർഡ് കൈവശം വെക്കുന്നവർക്ക് കാർഡ് മാറ്റാൻ അപേക്ഷ സമർപ്പിക്കാനുള്ള അവസാന തീയതി നീട്ടി. പിഴ കൂടാതെ ഈ മാസം 15 വരെയാണ് കാർഡ് മാറ്റാൻ അവസരം ഒരുക്കിയിരിക്കുന്നത്. നേരത്തെ കഴിഞ്ഞ മാസം 30 വരെയായിരുന്നു കാർഡ് മാറ്റാനുള്ള കാലാവധി. എന്നാൽ കോവിഡ് സാഹചര്യം നിലനിൽക്കുന്നതിനാൽ തീയതി നീട്ടുകയായിരുന്നു.
ജില്ലയിൽ ഇതുവരെ 9,251 അപേക്ഷകളാണ് ലഭിച്ചത്. ഇതിൽ പിങ്ക് കാർഡിൽ നിന്ന് 5,059, നീല കാർഡ്- 3,786, മഞ്ഞ കാർഡ്- 406 അപേക്ഷകളാണ് കിട്ടിയത്. കൂടാതെ മുൻഗണനാ കാർഡിന് അർഹതയില്ലാത്തവർ കാർഡിൽ നിന്ന് ഒഴിവാക്കാനായി അതത് സപ്ളൈ ഓഫിസിൽ അപേക്ഷ നൽകണമെന്ന് സപ്ളൈ ഓഫിസർ അറിയിച്ചു.
Read Also: മുലയൂട്ടൽ കുറയുന്നു; ശിശുസൗഹൃദ പട്ടികയിൽ കേരളം താഴോട്ടെന്ന് റിപ്പോർട്