തിരുവനന്തപുരം: സംസ്ഥാനത്ത് മഞ്ഞ, പിങ്ക് റേഷൻ കാർഡ് ഉടമകളുടെ ഇ കൈവൈസി മസ്റ്ററിങ് താൽക്കാലികമായി നിർത്തിവെച്ചു. റേഷൻ വിതരണത്തിനുള്ള ഇ പോസ് സംവിധാനം തകരാറിലാകുന്ന സാഹചര്യത്തിലാണ് തീരുമാനം. അതിനാൽ റേഷൻ കടകളുടെ സമയക്രമീകരണവും അവസാനിപ്പിച്ചു.
വ്യാഴാഴ്ച (നാളെ) മുതൽ സംസ്ഥാനത്തെ മുഴുവൻ റേഷൻ കടകളും പഴയ രീതിയിൽ രാവിലെയും വൈകിട്ടുമായി പ്രവർത്തിക്കുമെന്ന് മന്ത്രി ജിആർ അനിൽ അറിയിച്ചു. ഏഴ് ജില്ലകളിൽ വീതം രാവിലെയും വൈകിട്ടുമായി റേഷൻ കടകൾ പ്രവർത്തിക്കുന്ന രീതിയിൽ ചൊവ്വാഴ്ച മുതലാണ് സമയക്രമീകരണം ഏർപ്പെടുത്തിയത്. ഈ ആഴ്ച മുഴുവൻ ഈ സമയക്രമീകരണം തുടരാനായിരുന്നു തീരുമാനം.
Most Read| ഗർഭഛിദ്രം ഭരണഘടനാ അവകാശമാക്കി ഫ്രാൻസ്; ലോകത്തിലെ ആദ്യ രാജ്യം