നാദാപുരം: കോവിഡ് മഹാമാരിക്ക് എതിരായ പ്രതിരോധ പ്രവർത്തനം ശക്തമാക്കുന്നതിനിടെ ആരോഗ്യ വകുപ്പിന് തലവേദന സൃഷ്ടിച്ച് നാദാപുരം പഞ്ചായത്തിൽ ഡെങ്കിപ്പനി ബാധിതരുടെ എണ്ണം വർധിക്കുന്നു.
പഞ്ചായത്തിലെ രണ്ട്, മൂന്ന് വാർഡുകളിലാണ് ഡെങ്കിപ്പനി പടരുന്നത്. ഇവിടെ രണ്ടാഴ്ചക്കിടെ കുട്ടികളും സ്ത്രീകളും ഉൾപ്പടെ 10 പേർക്കാണ് രോഗം ബാധിച്ചത്. മൂന്നാം വാർഡിൽ രോഗം സ്ഥിരീകരിച്ചവരുടെ വീടുകൾക്ക് സമീപം ആരോഗ്യ വകുപ്പ് ഫോഗിങ് നടത്തിയിരുന്നു. എന്നാൽ, ഇതിന് പിന്നാലെ സമീപ വാർഡിലെ 3 പേരാണ് ബുധനാഴ്ച മാത്രം ചികിൽസ തേടിയത്. നാദാപുരത്തെ സ്വകാര്യ ആശുപത്രിയിൽ നടത്തിയ പരിശോധനയിലാണ് ഇവർക്ക് രോഗം സ്ഥിരീകരിച്ചത്. ഇതിനെ തുടർന്ന് ഡെങ്കിപ്പനിക്ക് എതിരായി അതീവ ജാഗ്രതയോടു കൂടിയ പ്രതിരോധ പ്രവർത്തനങ്ങൾ നടപ്പിലാക്കണമെന്ന് ആരോഗ്യ വകുപ്പ് ആവശ്യപ്പെട്ടു.
Read also: നിയമം ലംഘിച്ചെന്ന് പരാതി; പനവല്ലി എസ്റ്റേറ്റിലെ മരങ്ങൾ മുറിക്കാനുള്ള അനുമതി റദ്ദാക്കി