മലപ്പുറം: മുന്നൂറില്‍ പരം ദര്‍സുകളില്‍ നിന്നായി എണ്ണായിരത്തിലധികം വിദ്യാർഥികൾ പങ്കെടുക്കുന്ന ‘ദര്‍സ് വാര്‍ഷിക പൊതുപരീക്ഷ’ ഏപ്രില്‍ 3ന് സംസ്‌ഥാനത്തെ മുഴുവന്‍ പള്ളി ദര്‍സുകളിലും നടക്കും. പരീക്ഷക്കുള്ള അപേക്ഷ ഫോം തിരിച്ചേല്‍പ്പിക്കാന്‍ ബാക്കിയുള്ളവര്‍ മാര്‍ച്ച് 5ന് മുൻപായി ജില്ലാ ആസ്‌ഥാനങ്ങളിൽ എത്തിക്കാനും പത്രകുറിപ്പിൽ സംഘാടകർ ആവശ്യപ്പെട്ടു.
സമസ്‌ത കേരള ജംഇയ്യതുല്‍ മുദര്‍രിസീന്‍ സംസ്‌ഥാന കമ്മിറ്റിയുടെ കീഴിലാണ് ‘ദര്‍സ് വാര്‍ഷിക പൊതുപരീക്ഷ‘ നടക്കുന്നത്. ഇബ്‌തിദാഇയ്യ, മുതവസ്സിത, ആലിയ എന്നീ മുന്ന് വിഭാഗങ്ങളിലാണ് പരീക്ഷ. ഓരോ വിഭാഗക്കാര്‍ക്കും അവര്‍ക്ക് നിശ്‌ചയിക്കപ്പെട്ട കിതാബുകളില്‍ നിന്ന് രണ്ടുവീതം വിഷയങ്ങളാണ് പരീക്ഷക്ക് ഉണ്ടാകുക.
പരീക്ഷാ സമയം കാലത്ത് 9മുതല്‍ 11വരെയും ഉച്ചക്ക് ശേഷം 2മുതല്‍ 4വരെയുമായാണ് ക്രമീകരിച്ചിരിക്കുന്നത്. ഏപ്രില്‍ 1ന് രാവിലെ 10നും ഉച്ചക്ക് 2നും ഇടയില്‍ സമസ്‌തയുടെ കോഴിക്കോട് ഓഫീസില്‍ നിന്ന് ജില്ലാ സെക്രട്ടറിമാര്‍ ചോദ്യപേപ്പര്‍ കൈപ്പറ്റണം. ഏപ്രില്‍ രണ്ടിന് ഉച്ചക്ക് ശേഷം 3നും വൈകീട്ട് 6നും ഇടയില്‍ ജില്ലാ ആസ്‌ഥാനങ്ങളില്‍ നിന്ന് അതാത് മുദര്‍രിസുമാര്‍ ചോദ്യപേപ്പര്‍ ഏറ്റുവാങ്ങണം.
ഏപ്രില്‍ 10ന് മുമ്പ് മൂല്യനിര്‍ണയം നടത്തി മാര്‍ക് ലിസ്‌റ്റ്‌ പരീക്ഷാ ബോര്‍ഡ് ഓഫീസില്‍ എത്തിക്കണം; പരീക്ഷ ബോര്‍ഡ് സംസ്‌ഥാന കണ്‍വീനര്‍ അബ്‌ദുൽ ഖാദിര്‍ ഫൈസി അറിയിച്ചു. കോവിഡ് പ്രോട്ടോകോള്‍ പാലിച്ചായിരിക്കും പരീക്ഷകൾ നടക്കുക. സംശയങ്ങൾ ദുരീകരിക്കുന്നതിനും വിശവിവരങ്ങള്‍ക്കും 9747 50 55 50, 944 73 53 478
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
