തിരുവനന്തപുരം: സംസ്ഥാനത്ത് ചരക്കുലോറികളുടെ വാടക കുത്തനെ കൂട്ടുമെന്ന് ലോറി ഉടമകൾ. ഡീസൽ വില ക്രമാതീതമായി വർധിച്ച സാഹചര്യത്തിലാണ് തീരുമാനം. രണ്ട് മാസത്തിനിടെ ഡീസൽ വില 15 രൂപയാണ് കൂടിയത്. ഈ സാഹചര്യത്തിൽ ലോറി വാടക ഉയർത്താതെ പിടിച്ചുനിൽക്കാൻ കഴിയില്ലെന്നാണ് ഉടമകളുടെ വാദം.
കുറഞ്ഞത് 15 ശതമാനം വർധനവെങ്കിലും ലോറി വാടകയിൽ ഏർപ്പെടുത്തും. ഇത് അവശ്യസാധനങ്ങളുടെ വിലക്കയറ്റത്തിന് കാരണമാകും. നികുതി ഒഴിവാക്കി ഇന്ധനവില പിടിച്ചുനിർത്താൻ കേന്ദ്ര, സംസ്ഥാന സർക്കാരുകൾ ശ്രമിക്കണമെന്നാണ് ലോറി ഉടമകൾ മുന്നോട്ട് വെക്കുന്ന ആവശ്യം.
Also Read: വഞ്ചനാക്കുറ്റം; മാണി സി കാപ്പനെതിരെ കേസെടുത്ത് കോടതി