തിരുവനന്തപുരം: മുഖ്യമന്ത്രി പിണറായി വിജയന്റെ അഡീഷണല് പ്രൈവറ്റ് സെക്രട്ടറി സി.എം രവീന്ദ്രന് എൻഫോഴ്സ്മെന്റ് ഡയറക്ട്രേറ്റിന്റെ നോട്ടീസ്. വെള്ളിയാഴ്ച്ച കൊച്ചിയിലെ ഇഡി ഓഫീസില് ഹാജരാകണമെന്നാണ് നോട്ടീസില് പറയുന്നത്. ഐടി പദ്ധതിയുമായി ബന്ധപ്പെട്ട കാര്യങ്ങള് അറിയുവാനും മുന് പ്രിന്സിപ്പല് സെക്രട്ടറി ശിവശങ്കറിന്റെ മൊഴിയുടെ അടിസ്ഥാനത്തിലുമാണ് രവീന്ദ്രനെ വിളിക്കുന്നതെന്നാണ് റിപ്പോര്ട്ടുകള്.
Also Read: സര്ക്കാര് ജീവനക്കാരുടെ ശമ്പളം മാറ്റിവെക്കില്ല; തീരുമാനം പിന്വലിച്ചു
സി.എം. രവീന്ദ്രനെതിരെ സ്വര്ണക്കടത്ത് കേസിലെ പ്രതി സ്വപ്ന സുരേഷും മൊഴി നല്കിയിരുന്നു. മുഖ്യമന്ത്രിയുടെ ഓഫീസില് ശിവശങ്കറിനെ കൂടാതെ തനിക്ക് ബന്ധമുണ്ടായിരുന്ന വ്യക്തി സി.എം രവീന്ദ്രനാണ് എന്നായിരുന്നു മൊഴി. ശിവശങ്കറും സി.എം. രവീന്ദ്രനും തമ്മിലുള്ള ഇടപാടകളും നേരത്തെ വിവാദമായിരുന്നു. മുഖ്യമന്ത്രിയുടെ ഓഫീസിലേക്ക് കൂടുതല് അന്വേഷണം വ്യാപിക്കുന്നു എന്ന് വ്യക്തമാക്കുന്നതാണ് ഇഡിയുടെ ഇടപെടല്.