ന്യൂഡെല്ഹി: നിയമസഭാ തിരഞ്ഞെടുപ്പിന്റെ വോട്ടെണ്ണല് ദിനത്തിൽ ആഹ്ളാദ പ്രകടനങ്ങൾക്ക് വിലക്കേർപ്പെടുത്തി തിരഞ്ഞെടുപ്പ് കമ്മീഷന്. വോട്ടെണ്ണല് ദിനത്തിന് തൊട്ടടുത്ത ദിവസവും ആഹ്ളാദ പ്രകടനത്തിന് നിരോധനം ഏർപ്പെടിത്തിയിട്ടുണ്ട്. വോട്ടെടുപ്പ് നടന്ന എല്ലാ സംസ്ഥാങ്ങൾക്കും വിലക്ക് ബാധകമാകും.
വിശദമായ ഉത്തരവ് ഉടന് പുറത്തിറക്കുമെന്ന് കമ്മീഷൻ വ്യക്തമാക്കി. രാജ്യത്തെ കോവിഡ് സാഹാചര്യം കൂടുതല് രൂക്ഷമായ സാഹചര്യത്തിലാണ് തിരഞ്ഞെടുപ്പ് കമ്മീഷന്റെ ഇടപെടല്. കഴിഞ്ഞ ദിവസം മദ്രാസ് ഹൈക്കോടതി കോവിഡ് വ്യാപനം മുൻനിർത്തി തിരഞ്ഞെടുപ്പ് കമ്മീഷനെ നിശിതമായി വിമര്ശിച്ചിരുന്നു.
തമിഴ്നാട്, കേരളം, പശ്ചിമ ബംഗാള്, ആസാം, പുതുച്ചേരി എന്നിവിടങ്ങളിലാണ് തിരഞ്ഞെടുപ്പ് നടന്നത്. പശ്ചിമ ബംഗാളില് ഏപ്രില് 29ന് അവസാന ഘട്ട വോട്ടെടുപ്പ് നടക്കും.
Read Also: കോവിഡിനെ നേരിടുന്നതിൽ കുറ്റകരമായ വീഴ്ച; മോദി സർക്കാരിനെ വിമര്ശിച്ച് സോണിയ ഗാന്ധി