കോഴിക്കോട്: ബേപ്പൂർ, കോഴിക്കോട് ബീച്ചുകളിൽ പ്രവേശനം വീണ്ടും നിരോധിച്ചു. ഇനിയൊരു അറിയിപ്പ് ഉണ്ടാകുന്നതുവരെ സന്ദർശകർക്ക് ബീച്ചുകളിൽ പ്രവേശനം ഉണ്ടാകില്ലെന്ന് ജില്ലാ കളക്‌ടർ അറിയിച്ചു. കോവിഡ് സാഹചര്യത്തിൽ അടച്ചിട്ട ബീച്ചുകൾ തുറന്നുകൊടുക്കാൻ കളക്‌ടർ നേരത്തെ ഉത്തരവിട്ടിരുന്നു.
കോവിഡ് വ്യാപന സാധ്യതകൾ കണക്കിലെടുത്ത് കോവിഡ് പ്രോട്ടോക്കോൾ കർശനമായി പാലിച്ച് സന്ദർശകർക്ക് പ്രവേശനം അനുവദിക്കാം എന്നായിരുന്നു ഉത്തരവ്. കോഴിക്കോട്, ബേപ്പൂർ ബീച്ചുകളിൽ പ്രതിരോധ മാർഗങ്ങൾ പാലിക്കാതെ ആളുകൾ എത്തുന്നത് രോഗവ്യാപനത്തിന് കാരണമാകുമെന്ന റിപ്പോർട്ടുകൾ അനുസരിച്ചാണ് പ്രവേശനം വീണ്ടും നിരോധിച്ചത്. ബേപ്പൂർ സെക്‌ടർ മജിസ്‌ട്രേറ്റും ജില്ലാ ടൂറിസം പ്രൊമോഷൻ സെക്രട്ടറിയുമാണ് ജില്ലാ കളക്‌ടർക്ക് ഇതുസംബന്ധിച്ച റിപ്പോർട്ട് സമർപ്പിച്ചത്.
Read also: ലൈഫ് മിഷൻ; ശിവശങ്കറിനെ ചോദ്യം ചെയ്യാൻ വിജിലൻസ്
