തിരുവനന്തപുരം: സംസ്‌ഥാനത്ത് രൂക്ഷമാകുന്ന കോവിഡ് വ്യാപന സാഹചര്യം വിലയിരുത്താനും അത്യാവശ്യ നടപടികൾ സ്വീകരിക്കാനുമായി നാളെത്തേക്ക് മുഖ്യമന്ത്രി ഉന്നതതല യോഗം വിളിച്ചു.
നാളെ രാവിലെ 11ന് (ഏപ്രിൽ 15 വ്യാഴം) ഓൺലൈനിൽ നടക്കുന്ന യോഗത്തിൽ ഐഎംഎ പ്രതിനിധികൾ, ആരോഗ്യമേഖലയിലെ പ്രമുഖർ, കളക്‌ടർമാർ, പോലീസ് മേധാവികൾ ഉൾപ്പടെയുള്ള വലിയനിര പങ്കെടുക്കും. കോവിഡ് മുക്‌തനായി ഇന്ന് ആശുപത്രിവിട്ട മുഖ്യമന്ത്രി വീട്ടില്‍ ക്വാറന്റൈനിലാണ്. ഇവിടെ നിന്നാണ് മുഖ്യമന്ത്രി ഓൺലൈനിൽ ചേരുക.
കോവിഡ് നിയന്ത്രണങ്ങള്‍ കര്‍ശനമാക്കാനും വാക്‌സിൻ ബോധവൽകരണം ശക്‌തമാക്കാനുമുള്ള നടപടികൾ, പോലീസ് സേനയുടെ ക്രമീകരണം, ആശുപത്രി സൗകര്യങ്ങളുടെ വിലയിരുത്തൽ, മരണസംഖ്യ കൂടാതിരിക്കാനുള്ള ചികിൽസാ സൗകര്യങ്ങൾ, ആംബുലൻസ് സർവീസുകളുടെ വിന്യാസം, സ്‌കൂൾ, കോളേജ് പരീക്ഷകളും അവയുടെ പ്രവർത്തനവും തുടങ്ങിയ സുപ്രധാന വിഷയങ്ങളാണ് നാളെ ചർച്ചക്ക് എടുക്കുന്നത്.
Most Read: കുംഭമേള തുടരും; നിസാമുദ്ദീനിലെ മസ്‌ജിദ്‌ തുറക്കാനാകില്ല
