കണ്ണൂർ : ജില്ലയിൽ കഴിഞ്ഞ ദിവസത്തെ മഴയിലും, ശക്‌തമായ കാറ്റിലും വ്യാപക കൃഷിനാശം. കുട്ടിമാക്കൂൽ, പെരിങ്കളം ഭാഗങ്ങളിലാണ് കൃഷിനാശം ഉണ്ടായത്. ഇവിടങ്ങളിൽ ആയിരക്കണക്കിന് കുലച്ച വാഴകളാണ് മഴയിലും കാറ്റിലും നശിച്ചത്. ഇതോടെ ലക്ഷക്കണക്കിന് രൂപയുടെ നഷ്‌ടമാണ് ഉണ്ടായിട്ടുള്ളതെന്ന് കർഷകർ വ്യക്‌തമാക്കി.
ജില്ലയിൽ കെപി ദാമോദരൻ, എൻസി ബിജു, കല്ലൻ ശിവനാഥ്, ചാലി ദാസൻ, സി ഗോപാലൻ, ചാലി ശ്രീധരൻ, വയലമ്പ്രോൻ രാജൻ, കെപി സുനിൽ, പൊയ്യേരി ദാമോദരൻ, വയലമ്പ്രോൻ പുരുഷു, കണ്ടോത്തുംകണ്ടി അനിൽ, എംകെ ജയൻ, പിസി ഷനിൽ, അണിയേരി പ്രേമൻ, ആയ്യത്താൻ പ്രജീഷ്, പിപി ഷാജി, ചാലി രാഘവൻ, ആയ്യത്താൻ പ്രജീഷ് തുടങ്ങി 30ഓളം കർഷകരുടെ കൃഷിയാണ് നശിച്ചിട്ടുള്ളത്. കൃഷിനാശം ഉണ്ടായതിനെ തുടർന്ന് കൃഷിവകുപ്പ് ഉദ്യോഗസ്‌ഥരും നഗരസഭാ അധികൃതരും കൃഷിയിടങ്ങൾ സന്ദർശിച്ചു.
Read also : വിമാന താവളത്തിന് പുറത്തെത്തിച്ച സ്വർണം ടോൾ ബൂത്തിന് സമീപം പിടികൂടി
