കെയ്‌റോ: വടക്കൻ ഈജിപ്‌തിലെ വസ്‌ത്ര നിർമാണശാലയിൽ ഉണ്ടായ തീപിടുത്തത്തിൽ മരണപ്പെട്ടവരുടെ എണ്ണം 20 ആയി. അൽ ഖല്യുബിയ പ്രവിശ്യയിലെ വസ്‌ത്ര നിർമാണ കേന്ദ്രത്തിലാണ് തീപിടുത്തം ഉണ്ടായത്. അപകടത്തിൽ 23 പേർക്ക് പരിക്കേൽക്കുകയും ചെയ്‌തതായി അധികൃതർ അറിയിച്ചു.
അപകടത്തിൽ 12 പേർ മരണപ്പെട്ടതായി നേരത്തെ അൽ അഹറം ദിനപത്രം റിപ്പോർട് ചെയ്‌തിരുന്നു. എന്നാൽ തീപിടുത്തത്തിൽ മരിച്ചവരുടെ എണ്ണം 20 ആയി ഉയർന്നതായി അധികൃതർ അറിയിക്കുക ആയിരുന്നു.
പത്തിലധികം അഗ്‌നിശമന സംഘത്തെ സംഭവസ്‌ഥലത്ത് വിന്യസിച്ചിട്ടുണ്ട്. തീ കെടുത്താനുള്ള ശ്രമം തുടരുകയാണ്. അപകടത്തെ കുറിച്ച് കൂടുതൽ വിവരങ്ങൾ ലഭ്യമല്ല.
Read Also: കോവിഡ് വാക്‌സിന്‍ സര്‍ട്ടിഫിക്കറ്റില്‍ നിന്ന് മോദിയുടെ ചിത്രം നീക്കി
