പാലക്കാട്: നഗരസഭയുടെ ഖരമാലിന്യ സംസ്‌കരണ കേന്ദ്രത്തിൽ തീപിടിത്തം. ഇന്ന് പുലർച്ചെ രണ്ടു മണിയോടെയാണ് തീ പടർന്നത്. വാളയാർ ദേശീയപാത കൂട്ടുപാത ജങ്ഷന് സമീപം കൊടുമ്പ് പഞ്ചായത്തിലാണ് സംസ്‌കരണ കേന്ദ്രം. ടൺ കണക്കിന് മാലിന്യത്തിലേക്കാണ് തീ പടർന്നത്. എട്ടു യൂണിറ്റ് ഫയർ എൻജിനുകൾ എത്തിയാണ് തീ നിയന്ത്രണവിധേയമാക്കിയത്.
പ്ളാസ്‌റ്റിക് മാലിന്യങ്ങളടക്കം കത്തിയതിനാൽ വൻതോതിൽ പുക ഉയരുന്നുണ്ട്. ഈ മാലിന്യം ജെസിബി ഉപയോഗിച്ച് നീക്കം ചെയ്‌ത്‌ പുക ശമിപ്പിക്കാനുള്ള ശ്രമം നടക്കുകയാണ്. മാലിന്യ സംസ്‌കരണ ശാലയുടെ പിൻഭാഗത്താണ് തീപിടിത്തം ഉണ്ടായത്. അതേസമയം, തീപിടിത്തത്തിൽ അട്ടമറി സംശയിക്കുന്നതായി പാലക്കാട് നഗരസഭാ അധികൃതർ പറഞ്ഞു. സാമൂഹിക വിരുദ്ധർ തീയിട്ടതാകാമെന്നാണ് സംശയിക്കുന്നത്. പോലീസിൽ പരാതി നൽകുമെന്നും അധികൃതർ വ്യക്‌തമാക്കി.
Most Read: വ്യാജ ഡിഗ്രി സർട്ടിഫിക്കറ്റ്; മുൻ എസ്എഫ്ഐ നേതാവ് അബിൻ സി രാജ് കസ്‌റ്റഡിയിൽ
