പൂനെ: മഹാരാഷ്ട്രയിലെ പിസോളി മേഖലയിലെ ഫർണിച്ചർ ഗോഡൗണിൽ തീപിടുത്തം. ചൊവ്വാഴ്ച പുലർച്ചെയാണ് ഗോഡൗണിൽ തീപിടുത്തമുണ്ടായത്.
അഗ്നിശമന സേനയെത്തി മണിക്കൂറുകൾ നീണ്ട പ്രയത്നത്തിന് ഒടുവിലാണ് തീ നിയന്ത്രണ വിധേയമാക്കിയത്.
വിവരമറിഞ്ഞ് പുലർച്ചെ 3.30ഓടെ 14 വാഹനങ്ങളിലായാണ് അഗ്നിശമന സേന സംഭവസ്ഥലത്ത് എത്തിയത്. രാവിലെ ആറരയോടെ തീ നിയന്ത്രണ വിധേയമാക്കിയെങ്കിലും ഗോഡൗണിലെ മുഴുവൻ സാമഗ്രികളും കത്തി നശിച്ചതായി അധികൃതർ പ്രസ്താവനയിൽ അറിയിച്ചു.
സംഭവത്തിൽ ആളപായമോ പരിക്കോ റിപ്പോർട് ചെയ്തിട്ടില്ലെന്നും തീ പൂർണമായും അണക്കാനുള്ള പ്രവർത്തനങ്ങൾ ഇപ്പോഴും തുടരുകയാണെന്നും അഗ്നിശമന സേന അറിയിച്ചു.
Most Read: അക്ഷയ് കുമാർ ചിത്രത്തിന്റെ പ്രദര്ശനം തടഞ്ഞ് കര്ഷക സംഘടനകള്