തിരുവനന്തപുരം: സംസ്‌ഥാനത്ത്‌ ഭക്ഷ്യക്കിറ്റ് വിതരണം തുടരുമെന്ന് ധനകാര്യ മന്ത്രി തോമസ് ഐസക്ക്. ബജറ്റ് അവതരിപ്പിച്ചുകൊണ്ട് സംസാരിക്കുകയായിരുന്നു അദ്ദേഹം. വെള്ള, നീല റേഷൻ കാർഡ് ഉടമകൾക്ക് 15 രൂപ നിരക്കിൽ 10 കിലോ അരി നൽകും. 50 ലക്ഷം കുടുംബങ്ങൾക്ക് ഇതിന്റെ പ്രയോജനം ലഭിക്കുമെന്ന് മന്ത്രി പറഞ്ഞു.
കൂടാതെ, എല്ലാ തദ്ദേശ ജനപ്രതിനിധികളുടെയും ഓണറേറിയം വർധിപ്പിച്ചു. 1000 രൂപയാണ് വർധിപ്പിച്ചിരിക്കുന്നത്.
തൊഴിലില്ലായ്‌മ പരിഹരിക്കാനുള്ള വിവിധ പദ്ധതികളും പുതിയ സ്‌റ്റാർടപ്പ് പദ്ധതികളും ബജറ്റിൽ ഉൾപ്പെടുത്തിയിരുന്നു. ലൈഫ് മിഷനിലൂടെ 40,000 പട്ടികജാതി കുടുംബങ്ങൾക്കും 12,000 പട്ടിക വർഗ കുടുംബങ്ങൾക്കും വീട് നൽകുമെന്നും പ്രഖ്യാപനമുണ്ട്. കെ ഫോൺ ഉൾപ്പടെയുള്ള വിവിധ പദ്ധതികൾ ഉടൻ ആരംഭിക്കുമെന്നും മന്ത്രി പറഞ്ഞു.
Also Read: തൊഴിലുറപ്പ് പദ്ധതി വിപുലീകരിക്കും; അയ്യങ്കാളി പദ്ധതിക്ക് 100 കോടി
