തിരുവനന്തപുരം: സംസ്‌ഥാനത്ത്‌ മുന്നോക്ക സംവരണം യഥാർഥ്യമായി. ഇതുമായി ബന്ധപ്പെട്ട വിജ്ഞാപനം സംസ്‌ഥാന സർക്കാർ പുറത്തിറക്കി. മുന്നോക്ക സംവരണം നടപ്പിലാക്കുന്നത് സംബന്ധിച്ച് സർവീസ് ചട്ടം ഭേദഗതി ചെയ്‌ത പിഎസ്‌സി നടപടിക്ക് കഴിഞ്ഞ ദിവസം മന്ത്രിസഭ അംഗീകാരം നൽകിയിരുന്നു. മുന്നോക്ക വിഭാഗങ്ങളിലെ പാവപ്പെട്ടവർക്ക് 10 ശതമാനം സംവരണം എന്നത് ഇടത് മുന്നണി പ്രകടന പത്രികയിലെ വാഗ്‌ദാനം കൂടിയായിരുന്നു.
Also Read: കോവിഡ്; മറ്റ് രോഗങ്ങള്‍ ഉള്ളവരില്‍ മരണനിരക്ക് കൂടുന്നു
മുന്നോക്ക സംവരണം നടപ്പാക്കാൻ നേരത്തെ തന്നെ തീരുമാനമെടുത്തെങ്കിലും നിലവിൽ വരാൻ സർവീസ് ചട്ട ഭേദഗതി കൂടി ആവശ്യമായിരുന്നു. ചട്ടം ഭേദഗതി ചെയ്‌ത പിഎസ്‌സി നടപടിക്ക് കഴിഞ്ഞ ദിവസം ചേർന്ന മന്ത്രിസഭ അംഗീകാരം നൽകിയതിന് പിന്നാലെയാണ് മുന്നോക്ക സംവരണം നൽകുന്നതുമായി ബന്ധപ്പെട്ട് സർക്കാർ വിജ്ഞാപനമിറക്കിയത്.
