കൊച്ചി: തൃപ്പൂണിത്തുറയിൽ ഫർണിച്ചർ കടയ്‌ക്ക് തീപിടിച്ച് ഒരാൾ മരിച്ചു. മരട് തൊട്ടിയൂർ സ്വദേശിയും ലോട്ടറി വിൽപനക്കാരനുമായ പ്രസന്ന(45)നാണ് മരിച്ചത്.
ഇന്ന് പുലർച്ചെ ആറ് മണിയോടെയാണ് അപകടമുണ്ടായത്. കടയോട് ചേർന്ന വീട്ടിലാണ് ഉടമയും കുടുംബവും താമസിക്കുന്നത്. തീ പടരുന്നത് കണ്ട് വീട്ടുകാർ സ്‌ഥലത്തുനിന്ന് മാറിയിരുന്നു.
തൃപ്പൂണിത്തുറയിൽ നിന്ന് ഫയർഫോഴ്‌സിന്റെ രണ്ട് യൂണിറ്റ് എത്തിയാണ് തീയണച്ചത്.
അതേസമയം മരണപ്പെട്ട പ്രസന്നനും ഫർണിച്ചർ കടയുടമയും തമ്മിൽ സാമ്പത്തിക ഇടപാടുകളെച്ചൊല്ലി തർക്കം ഉണ്ടായിരുന്നതായി ആരോപണമുണ്ട്. പ്രസന്നൻ കടയിലേക്ക് എത്തിയതും കടയ്‌ക്ക് തീപിടിച്ചതും വിശദമായി അന്വേഷിക്കുമെന്ന് പോലീസ് അറിയിച്ചു.
Most Read: ചോദ്യങ്ങളിൽ രാഷ്‌ട്രീയ പാർട്ടികളുടെ പേര് പറയേണ്ട; സ്‌പീക്കർ
