കൊച്ചി: സ്വർണവിലയിൽ വീണ്ടും ഇടിവ്. വെള്ളിയാഴ്‌ച പവന്റെ വില 240 രൂപയാണ് കുറഞ്ഞത്. ഇതോടെ സംസ്‌ഥാനത്ത് സ്വർണം പവന് 33,160 രൂപയിലെത്തി. 4145 രൂപയാണ് ഗ്രാമിന്റെ ഇന്നത്തെ വില. ഇന്നലെ പവന് 520 കുറഞ്ഞ് 33,440 രൂപയായിരുന്നു വില.
യുഎസ് ട്രഷറി ആദായം വർധിച്ചതും ഡോളർ കരുത്താർജിച്ചതും മൂലം ഈ ആഴ്‌ച മാത്രം ആഗോള വിപണിയിലെ സ്വർണവിലയിൽ രണ്ടു ശതമാനമാണ് ഇടിവുണ്ടായത്. ഔൺസിന് 1,693.79 ഡോളർ നിലവാരത്തിലാണ് ആഗോള വിപണിയിൽ വിൽപന നടക്കുന്നത്.
ദേശീയ വിപണിയിൽ 10 ഗ്രാം 24 കാരറ്റ് സ്വർണത്തിന്റെ വില 44,400 രൂപയിലെത്തി. 10 മാസത്തെ താഴ്ന്ന നിലവാരമാണിത്.
Also Read: എടിഎമ്മുകളിൽ രണ്ടായിരത്തിന്റെ നോട്ടുകൾ കുറയുന്നു; പ്രിയം അഞ്ഞൂറിന്
