കൊച്ചി: സംസ്ഥാനത്ത് സ്വർണവിലയിൽ വീണ്ടും വർധനവ്. പവന് 37,880 രൂപയായാണ് വില ഉയർന്നത്. ഈ മാസത്തെ ഏറ്റവും ഉയർന്ന സ്വർണവിലയാണിത്. 280 രൂപയുടെ വർധനവാണ് ഇന്ന് ഒരു പവൻ സ്വർണത്തിനുണ്ടായത്. ഒരു ഗ്രാം സ്വർണത്തിന്റെ വില 35 രൂപ കൂടി 4,735 രൂപയായി.
സ്വർണത്തിന് ആഗോളതലത്തിലുണ്ടാകുന്ന വില വർധനവാണ് ഇന്ത്യയിലും പ്രകടമാകുന്നത്. ഡോളറിന്റെ മൂല്യം ദുർബലമായതാണ് സ്വർണത്തിന് കരുത്തായത്. പല രാജ്യങ്ങളിലും കോവിഡിന്റെ രണ്ടാം വ്യാപനമുണ്ടാകുമെന്ന ആശങ്ക ജനങ്ങളെ സ്വർണത്തിൽ നിക്ഷേപിക്കാൻ പ്രേരിപ്പിക്കുന്നു.
Read also: കൊറോണില് സസ്വാരി; പതഞ്ജലി സമ്പാദിച്ചത് 241 ലക്ഷം
വരാനിരിക്കുന്ന അമേരിക്കൻ തെരഞ്ഞെടുപ്പും സ്വർണത്തോടുള്ള താൽപര്യം വർധിപ്പിക്കുമെന്നാണ് കരുതുന്നത്. അമേരിക്കയുടെ ഉത്തേജന പാക്കേജ്, യൂറോപ്യൻ യൂണിയൻ-യു.കെ ചർച്ചകൾ, അമേരിക്കയുടെ മൂന്നാംപാദ ജിഡിപി, അമേരിക്കൻ തെരഞ്ഞെടുപ്പ്, കോവിഡ് വ്യാപനം എന്നീ ഘടകങ്ങളാകും വരുംദിവസങ്ങളിൽ സ്വർണവിലയെ സ്വാധീനിക്കുക.