മലപ്പുറം : കരിപ്പൂർ വിമാനത്താവളത്തിലൂടെ കടത്താൻ ശ്രമിച്ച 23 ലക്ഷം രൂപ വിലവരുന്ന സ്വർണം എയർ കസ്‌റ്റംസ്‌ അധികൃതർ പിടികൂടി. ഷാർജയിൽ നിന്നെത്തിയ കോഴിക്കോട് സ്വദേശിയിൽ നിന്നാണ് സ്വർണം കണ്ടെടുത്തത്. ശരീരത്തിൽ ഒളിപ്പിച്ച് കടത്താൻ ശ്രമിച്ച 511 ഗ്രാം സ്വർണമാണ് ഇയാളിൽ നിന്നും അധികൃതർ പിടികൂടിയത്.
കാപ്‌സ്യൂൾ രൂപത്തിലാക്കിയാണ് സ്വർണം കടത്താൻ ശ്രമിച്ചത്. ഡപ്യൂട്ടി കമ്മീഷണർ ടിഎ കിരൺ, സൂപ്രണ്ടുമാരായ കെ സുധീർ, ഐസക് വർഗീസ്, എം പ്രകാശ്, തോമസ് വർഗീസ്, പ്രേം പ്രകാശ് മീണ, ഇൻസ്‌പെക്‌ടർമാരായ ചേതൻ ഗുപ്‌ത, ടി മിനിമോൾ, കെ രാജീവ്, ഹെഡ് ഹവിൽദാർ എംഎൽ രവീന്ദ്രൻ എന്നിവരടങ്ങിയ സംഘമാണ് സ്വർണക്കടത്ത് പിടികൂടിയത്.
Read also : കുഴൽപ്പണക്കേസ്; അന്വേഷണം സുരേന്ദ്രന്റെ മകനിലേക്ക്; മൊഴിയെടുക്കും
