മലപ്പുറം: രേഖകൾ ഇല്ലാതെ കടത്തുകയായിരുന്ന 2.63 കോടിയുടെ സ്വർണം പിടികൂടി. തിരൂർ ജിഎസ്‌ടി ഇന്റലിജൻസ് വിഭാഗമാണ് മലപ്പുറം ചങ്ങരംകുളത്ത് വെച്ച് സ്വർണം പിടികൂടിയത്. ബെംഗളൂരുവിൽ നിന്ന് കോഴിക്കോട്ടേക്ക് കൊണ്ടുപോവുകയായിരുന്ന 6,363 ഗ്രാം സ്വർണമാണ് പിടിച്ചെടുത്തത്.
പരിശോധനാ സമയത്ത് ഇവരുടെ പക്കൽ മതിയായ രേഖകൾ ഉണ്ടായിരുന്നില്ല. തുടർന്ന് നികുതിയും പിഴയുമായി 16 ലക്ഷം രൂപ ഈടാക്കിയ ശേഷമാണ് സ്വർണം ഉടമകൾക്ക് തിരിച്ചു നൽകിയത്.
ജിഎസ്‌ടി ഇന്റലിജൻസ് വിഭാഗം ജോ.കമ്മിഷണർ ഫിറോസ് കാട്ടിൽ, ഡെപ്യൂട്ടി കമ്മിഷണർ കെ മുഹമ്മദ് സലിം എന്നിവരുടെ നേതൃത്വത്തിൽ സ്‌റ്റേറ്റ് ടാക്‌സ് ഓഫിസർ കെപി വേലായുധൻ, എൻ നാരായണൻ, എപി മുസാഫിർ, ഷിജു കുമാർ, സി ബീന, വിവി പ്രഷീബ എന്നിവരടങ്ങിയ സംഘമാണ് പരിശോധനക്ക് നേതൃത്വം നൽകിയത്.
Most Read: കോഴിക്കോട് വലിയങ്ങാടിയിൽ ഫുഡ് സ്ട്രീറ്റ് സ്‌ഥാപിക്കും; മന്ത്രി പിഎ മുഹമ്മദ് റിയാസ്
