ഓണ്‍ലൈന്‍ വ്യാപാരം രാജ്യമൊട്ടാകെ പ്രോല്‍സാഹിപ്പിക്കുന്നതിനും ഇ- കൊമേഴ്‌സ്‌ വ്യാപാരത്തിന്റെ മറവില്‍ നടക്കുന്ന തട്ടിപ്പുകള്‍ തടയുന്നതിനും കേന്ദ്ര സര്‍ക്കാരിന്റെ നേതൃത്വത്തില്‍ പുതിയ പ്ളാറ്റ്‌ഫോം വികസിപ്പിക്കുന്നു. ആഗോള ഇ- കൊമേഴ്‌സ്‌ ഭീമന്‍മാര്‍ ആമസോണിന്റെയും ഫ്ലിപ്‌കാർട്ടിന്റെയും മാതൃകയിലാണ് പുതിയ പ്ളാറ്റ്‌ഫോമുണ്ടാക്കുന്നത്.
പ്ളാറ്റ്‌ഫോം ഒരുക്കുന്നതിനായി സര്‍ക്കാര്‍ സമിതിയെ ഇതിനകം നിയോഗിച്ചു കഴിഞ്ഞു. വാണിജ്യ മന്ത്രാലയമാണ് സമിതിക്ക് രൂപം നല്‍കിയിട്ടുള്ളത്. 11 അംഗങ്ങളാണ് സമിതിയില്‍ ഉള്ളത്. കോണ്‍ഫെഡറേഷന്‍ ഓഫ് ഓള്‍ ഇന്ത്യ ട്രേഡേഴ്‌സ് ജനറല്‍ സെക്രട്ടറി പ്രവീണ്‍ ഖണ്ടേല്‍ വാളടക്കം മൂന്നുപേരെ ഇതിനകം നിയമിച്ചിട്ടുണ്ട്.
ഓപ്പണ്‍ നെറ്റ് വര്‍ക്ക് ഫോര്‍ ഡിജിറ്റല്‍ കൊമേഴ്‌സ്‌ (ഒഎന്‍ഡിസി)യുടെ മേല്‍നോട്ടത്തിലാകും പ്രവര്‍ത്തനം. അടിസ്‌ഥാന സൗകര്യ വികസനം ഉള്‍പ്പടെയുള്ളവക്ക് ഒഎന്‍ഡിസി നേതൃത്വം നല്‍കും. ആഗോള ഇ- കൊമേഴ്‌സ്‌ ഭീമന്‍മാര്‍ രാജ്യത്തെ ഓണ്‍ലൈന്‍ വ്യാപാരം കയ്യടക്കിയതിന്റെ പാശ്‌ചാത്തലത്തിലും കൂടിയാണ് സര്‍ക്കാരിന്റെ നീക്കം.
Kerala News: ലൈഫ് മിഷൻ ക്രമക്കേട്; വാട്‍സ്ആപ്പ് ചാറ്റുകളുടെ പകർപ്പ് ആവശ്യപ്പെട്ട് വിജിലൻസ് കോടതിയിൽ
