മലപ്പുറം: ജില്ലാ പൈതൃക മ്യൂസിയമാക്കി ഉയര്‍ത്തിയ തിരൂരങ്ങാടി ചെമ്മാട്ടെ ഹജൂര്‍ കച്ചേരിയുടെ നവീകരണ പ്രവർത്തികൾ ഫെബ്രുവരി 11ന് തുടങ്ങും. ഫെബ്രുവരി 11 ന് വൈകിട്ട് നാലിന് പുരാവസ്‌തു വകുപ്പ് മന്ത്രി കടന്നപ്പള്ളി രാമചന്ദ്രന്‍ ഉൽഘാടനം ചെയ്യും.
പരിപാടി വിജയിപ്പിക്കുന്നതിന്റെ ഭാഗമായി 101 അംഗ സ്വാഗതസംഘ സമിതി ഇന്ന് തിരൂരങ്ങാടി നഗരസഭ ഹാളില്‍ നടന്ന യോഗത്തിൽ രൂപീകരിച്ചു. യോഗം പികെ അബ്‌ദുറബ് എംഎല്‍എ ഉൽഘാടനം ചെയ്‌തു. മലബാറിന്റെ സ്വാതന്ത്ര്യ സമരവും സാംസ്‌കാരിക പൈതൃകവും ജന ജീവിതവും കാര്‍ഷികവുമായ എല്ലാം അടങ്ങിയതാകും മ്യൂസിയമെന്ന് എംഎല്‍എ പറഞ്ഞു.
ഫെബ്രുവരി 11ന് നടക്കുന്ന ചടങ്ങിൽ പികെ അബ്‌ദുറബ് എംഎല്‍എയുടെ അധ്യക്ഷനാവും. എംപിമാരായ പികെ കുഞ്ഞാലിക്കുട്ടി, ഇടി മുഹമ്മദ് ബഷീര്‍ ഉള്‍പ്പെടെയുള്ള മറ്റു സാംസ്‌കാരിക രാഷ്‌ട്രീയ രംഗത്തെ പ്രമുഖരും ചടങ്ങില്‍ പങ്കെടുക്കും.
Malabar News: തൃശൂരിൽ ഊര് മൂപ്പൻ കാട്ടാനയുടെ കുത്തേറ്റു മരിച്ചു
