കുഞ്ഞുങ്ങളെ സംബന്ധിച്ച് അവർ ജീവിക്കുന്ന ആ നിമിഷമാണ് അവർക്ക് ഏറ്റവും പ്രിയപ്പെട്ടത്. ഇന്നലെകൾ അവരെ വേട്ടയാടാറില്ല, ഭാവിയെക്കുറിച്ചുള്ള ആകുലതകളില്ല, ഓരോ നിമിഷവും സ്വയം സന്തോഷിച്ചും മറ്റുള്ളവരെ സന്തോഷിപ്പിച്ചും അവരങ്ങനെ നിറഞ്ഞു നിൽക്കും. ഇപ്പോഴിതാ ആശുപത്രി കിടക്കയിലും തന്റെ രോഗത്തെ കുറിച്ചോ അസ്വസ്ഥതകളെ കുറിച്ചോ ആശങ്കപ്പെടാതെ ഇഷ്ട ഗാനം ആസ്വദിച്ച് പാടി ആളുകളുടെ ഹൃദയം കീഴടക്കുകയാണ് ഒരു കുഞ്ഞ്.
മിഗുവെൽ എന്ന കൊച്ചു ബാലനാണ് താരം. തനിക്ക് ഇഷ്ടപ്പെട്ട ഗാനം ടിവിയിൽ വന്നതും ഒരു സ്പൂൺ മൈക്ക് ആക്കി അവനും പാടാൻ തുടങ്ങി. ഗ്യാസ്ട്രോ എന്റൈറ്റിസ് ചികിൽസക്കായാണ് മിഗുവെലിനെ ആശുപത്രിയിൽ പ്രവേശിപ്പിച്ചത്. നിരീക്ഷണ വിഭാഗത്തിൽ കഴിയുകയായിരുന്ന മിഗുവെൽ എല്ലാം മറന്ന് തന്റെ പ്രിയ ഗാനം സന്തോഷത്തോടെ പാടി.
ഗായകനും ഗാനരചയിതാവുമായ പെരികിൾസ് ഫാരിയ തന്റെ ട്വിറ്റർ അക്കൗണ്ടിലൂടെ വീഡിയോ പങ്കുവെച്ചതോടെയാണ് മിഗുവെൽ ശ്രദ്ധ പിടിച്ചുപറ്റിയത്. ഇപ്പോൾ ആശുപത്രിയിൽ നിന്നും ഡിസ്ചാർജ് ആയി മിഗുവൽ വീട്ടിൽ ആണെന്നും അദ്ദേഹം ട്വീറ്റിൽ വ്യക്തമാക്കിയിട്ടുണ്ട്.
മിഗുവെലിന്റെ ആലാപന വീഡിയോക്ക് ട്വിറ്ററിൽ ഏകദേശം 90,000ത്തോളം വ്യൂസും മൂവായിരത്തോളം ലൈക്കുകളും ലഭിച്ചു. നിരവധി കമന്റുകളാണ് വീഡിയോക്ക് താഴെ വന്നത്. സെലിബ്രിറ്റികളടക്കം നിരവധി പേർ വീഡിയോ ഷെയർ ചെയ്തിട്ടുമുണ്ട്.
Even in difficult times in the hospital, little boy sings & dances!
(Brazil) Miguel was hospitalized with gastroenteritis last week but that didn’t keep him from singing & dancing when favorite song came on the TV. Now back at home doing great
(?Pericles)pic.twitter.com/6LPjnYbgM2— GoodNewsCorrespondent (@GoodNewsCorres1) October 9, 2021
Most Read: രണ്ടുജോഡി വസ്ത്രവും അംബാസിഡർ കാറും; 17 വർഷമായി ജീവിതം കാടിനുള്ളിൽ