കാസർഗോഡ്: സംസ്ഥാന പൊലീസിന്റെ ഹെലികോപ്റ്റർ ജില്ലയിലെ അതിർത്തി പ്രദേശങ്ങളിൽ ആകാശ നിരീക്ഷണം നടത്തി. വനമേഖലകളിൽ അടക്കം നിരീക്ഷണം ശക്തമാക്കുന്നതിന്റെ ഭാഗമായാണ് നടപടി. പെരിയ കേന്ദ്ര സർവകലാശാല ഹെലിപാഡിലിറങ്ങിയ ഹെലികോപ്റ്ററിൽ ജില്ലാ പൊലീസ് മേധാവി ഡി ശിൽപ, ജില്ലാ സ്പെഷ്യൽ ബ്രാഞ്ച് ഡിവൈഎസ്പി കെ ഹരിശ്ചന്ദ്ര നായിക് എന്നിവരാണ് ഉണ്ടായിരുന്നത്.
തലപ്പാടി മുതൽ ചിറ്റാരിക്കൽ പൊലീസ് സ്റ്റേഷൻ പരിധിയിലെ പാലാവയൽ വരെയുള്ള കർണാടക അതിർത്തി പ്രദേശങ്ങളിലും, മാവോയിസ്റ്റ് സാന്നിധ്യം ഉണ്ടാകാൻ സാധ്യതയുള്ള വനമേഖലയിലും ഒന്നര മണിക്കൂറോളം സംഘം ആകാശ നിരീക്ഷണം നടത്തി.
Read Also: പലിശക്കാരന്റെ വീട്ടിൽ റെയ്ഡ്; രേഖകളും ആധാരങ്ങളും കണ്ടെടുത്തു