തിരുവനന്തപുരം : സ്വര്‍ണ്ണക്കടത്ത് കേസുമായി ബന്ധപ്പെട്ട് തന്നെ ചോദ്യം ചെയ്യാനുള്ള എൻഫോഴ്‌സ്‌മെൻറ് നടപടിക്കെതിരെ സിഎം രവീന്ദ്രന്‍ സമര്‍പ്പിച്ച ഹരജി ഇന്ന് ഹൈക്കോടതി പരിഗണിക്കും. ജസ്‌റ്റിസ് വിജി അരുണ്‍ അധ്യക്ഷനായ ബെഞ്ചാണ് ഇന്ന് ഹരജി പരിഗണിക്കുന്നത്. കേസുമായി ബന്ധപ്പെട്ട് തനിക്കെതിരെയുള്ള എൻഫോഴ്‌സ്‌മെൻറ് നടപടികള്‍ തടയണമെന്ന ആവശ്യവുമായാണ് മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറി സിഎം രവീന്ദ്രന്‍ ഹൈക്കോടതിയെ സമീപിച്ചത്.
സ്വര്‍ണ്ണക്കടത്ത് കേസില്‍ കൂടുതല്‍ വിവരങ്ങള്‍ ശേഖരിക്കാനായി സിഎം രവീന്ദ്രനോട് ചോദ്യം ചെയ്യലിന് ഹാജരാകാന്‍ ആവശ്യപ്പെട്ട് ഇഡി നാലാം തവണയും നോട്ടീസ് അയച്ചിരുന്നു. ഇതിന് പിന്നാലെയാണ് ഇപ്പോള്‍ രവീന്ദ്രന്‍ ഹൈക്കോടതിയെ സമീപിച്ചിരിക്കുന്നത്. അതേസമയം തന്നെ അന്വേഷണത്തിന്റെ പ്രാരംഭഘട്ടമാണ് ഇപ്പോള്‍ നടക്കുന്നതെന്നും, അതിനാല്‍ തന്നെ രവീന്ദ്രനെ അറസ്‌റ്റ് ചെയ്യാനുള്ള നടപടികള്‍ നിലവിലില്ലെന്നും ഇഡി കോടതിയില്‍ വ്യക്‌തമാക്കിയിട്ടുണ്ട്.
Read also : സ്വപ്‌നാ സുരേഷിനെ ചോദ്യം ചെയ്യല്‍; ജയില്‍ ഡിജിപിയുടെ ഹരജി ഹൈക്കോടതി സ്വീകരിച്ചു
