പാലക്കാട്: പന്നിയങ്കര ടോൾ പ്ളാസയിൽ പുതുക്കിയ നിരക്കിൽ ടോൾ പിരിക്കുന്നത് തടഞ്ഞ് ഹൈക്കോടതി. പഴയ നിരക്കിൽ തന്നെ ടോൾ പിരിക്കണമെന്നാണ് ഹൈക്കോടതി സിംഗിൾ ബെഞ്ച് ഉത്തരവിൽ വ്യക്‌തമാക്കുന്നത്‌.
ടോളിൽ അമിത നിരക്ക് ഈടാക്കുന്നതിനെതിരെ ബസ് ഉടമകൾ പന്നിയങ്കര ടോൾ പ്ളാസയിൽ വൻ പ്രതിഷേധം നടത്തിയിരുന്നു. തുടർന്ന് ടോൾ പിരിക്കാൻ പോലീസ് സംരക്ഷണം ആവശ്യപ്പെട്ട് ടോൾ കമ്പനി ബസ് ഉടമകൾക്ക് എതിരെ ഹരജി നൽകി. ഈ ഹരജിയിൽ അഡ്വ. ഷാജി കെ കോടങ്കണ്ടത്ത് കക്ഷി ചേരുകയും, പണി പൂർത്തിയാകാതെ അമിത നിരക്ക് ഈടാക്കുന്നത് ചോദ്യം ചെയ്യുകയും ചെയ്‌തു. തുടർന്ന് പണി പൂർത്തിയാക്കാതെ കമ്പനിക്ക് കംപ്‌ളീഷൻ സർട്ടിഫിക്കറ്റ് നൽകിയത് ചോദ്യം ചെയ്‌തെങ്കിലും, വേറെ ഹരജി നൽകാനാണ് ഹൈക്കോടതിയുടെ നിർദ്ദേശം.
Read also: നടൻ ധർമജന്റെ ഫിഷ് ഹബ്ബിൽ പരിശോധന; പിടിച്ചെടുത്തത് 200 കിലോ പഴകിയ മീൻ
