എറണാകുളം: പെരുമ്പാവൂരിൽ ഭാര്യയെയും മകളെയും കുത്തി പരിക്കേൽപ്പിച്ചു. പെരുമ്പാവൂര് നാരായപ്പറമ്പില് മണികണ്ഠനാണ് ഭാര്യയെയും മകളെയും കുത്തി പരിക്കേൽപ്പിച്ചത്. ഇന്നലെ വൈകുന്നേരത്തോടെയാണ് സംഭവം ഉണ്ടായത്. ഇയാളെ നിലവിൽ പോലീസ് കസ്റ്റഡിയിൽ എടുത്തിട്ടുണ്ട്.
പരിക്കേറ്റ ഭാര്യ ബിന്ദുവിനെയും, മകൾ ലക്ഷ്മിപ്രിയയെയും ആശുപത്രിയിൽ പ്രവേശിപ്പിച്ചിട്ടുണ്ട്. പെരുമ്പാവൂര് പോലീസ് സ്റ്റേഷന് സമീപം പെട്ടിക്കട നടത്തുകയാണ് കുടുംബം. ബാങ്കില് നിന്ന് പണമെടുത്ത് നല്കണമെന്ന് പറഞ്ഞതിനെ തുടര്ന്നുണ്ടായ തര്ക്കമാണ് കത്തിക്കുത്തില് കലാശിച്ചത്.
ആക്രമണത്തെ തുടർന്ന് ഇരുവരുടെയും കഴുത്തിനാണ് പരിക്കേറ്റത്. ബിന്ദുവിന് രക്തപ്രവാഹം അമിതമായതിനെ തുടർന്ന് പെരുമ്പാവൂർ സ്വകാര്യ ആശുപത്രിയിൽ നിന്നും കളമശേരി മെഡിക്കൽ കോളേജിലേക്ക് മാറ്റിയിട്ടുണ്ട്.
Read also: കെഎസ്ആർടിസി സമുച്ചയം; വിദഗ്ധ സമിതി റിപ്പോർട് തള്ളി ചെന്നൈ ഐഐടി