ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനുള്ളിൽ 31,923 പുതിയ കോവിഡ് കേസുകൾ റിപ്പോർട് ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു. 31,990 പേർ രോഗമുക്തി നേടിയപ്പോൾ 282 മരണങ്ങളും രാജ്യത്ത് റിപ്പോർട് ചെയ്യപ്പെട്ടു.
നിലവിൽ 3,01,604 സജീവ കേസുകളാണ് രാജ്യത്തുള്ളത്. 187 ദിവസങ്ങളിലെ ഏറ്റവും കുറഞ്ഞ കണക്കാണിത്.
3,28,15,731 പേരാണ് രാജ്യത്ത് ഇതുവരെ കോവിഡിൽ നിന്നും മുക്തി നേടിയത്. മരണസംഖ്യ 4,46,050 ആണ്.
അതേസമയം കേരളത്തിൽ കഴിഞ്ഞ ദിവസം 19,675 പേർക്കാണ് കോവിഡ് സ്ഥിരീകരിച്ചത്. 1,19,594 സാമ്പിൾ പരിശോധനയ്ക്ക് വിധേയമാക്കി. രോഗമുക്തി നേടിയവർ 21,367 പേരും കോവിഡ് മരണം സ്ഥിരീകരിച്ചത് 142 പേർക്കുമാണ്.
രാജ്യത്ത് വാക്സിനേഷനും പുരോഗമിക്കുകയാണ്. 83,39,90,049 വാക്സിൻ ഡോസുകളാണ് ഇതുവരെ രാജ്യത്തുടനീളം വിതരണം ചെയ്തത്. കഴിഞ്ഞ 24 മണിക്കൂറിനുള്ളിൽ 71,38,205 ഡോസ് വാക്സിൻ വിതരണം ചെയ്തു.
Most Read: ഇളവുകൾക്ക് പിന്നാലെ ബീച്ചുകളിൽ സന്ദർശകർ എത്തി തുടങ്ങി