കാസർഗോഡ്: കോവിഡ് വ്യാപനത്തെ തുടർന്ന് പ്രവേശനം വിലക്കിയിരുന്ന ബീച്ചുകളിൽ നിലവിൽ സന്ദർശകർ എത്തി തുടങ്ങി. വിലക്കുകൾക്ക് ഇളവുകൾ നൽകിയതോടെയാണ് സന്ദർശകർ എത്തി തുടങ്ങിയത്. ചന്ദ്രഗിരി, മൊഗ്രാൽ, ഉപ്പള ബേരിക്ക ഉൾപ്പടെയുള്ള ബീച്ചുകളിൽ നിലവിൽ കുടുംബസമേതം ആളുകൾ എത്തുന്നുണ്ട്.
എന്നാൽ ബീച്ചുകളിലെ കടകളും, കഫേകളും തുറക്കാൻ സർക്കാർ ഇതുവരെ അനുമതി നൽകിയിട്ടില്ല. അതിനാൽ തന്നെ ഇവയൊന്നും ഇതുവരെ തുറന്നു പ്രവർത്തിക്കാൻ തുടങ്ങിയിട്ടില്ല. കൂടാതെ കടൽ തീരങ്ങളൊക്കെ നിലവിൽ മാലിന്യങ്ങളാൽ മൂടപ്പെട്ട സ്ഥിതിയിലാണ്.
അതേസമയം സന്നദ്ധ സംഘടനകളുടെയും, തീരദേശ പോലീസിന്റെയും നേതൃത്വത്തിൽ ചില ബീച്ചുകളിൽ ശുചീകരണം നടത്തിയിരുന്നു. എന്നാലും മിക്കയിടങ്ങളിലും ഇപ്പോഴും മാലിന്യങ്ങൾ വലിയ തോതിലുണ്ട്.
Read also: ക്വട്ടേഷന് സംഘം വീട്ടില്ക്കയറി ഭീഷണിപ്പെടുത്തി; അന്വേഷണം ആരംഭിച്ച് പോലീസ്