ന്യൂഡെൽഹി: ഗോമൂത്രം കുടിക്കുന്നതു കൊണ്ടാണ് തനിക്ക് കോവിഡ് ബാധിക്കാത്തതെന്ന ബിജെപി എംപി പ്രജ്ഞ സിങ് താക്കൂറിന്റെ പ്രസ്താവനയിൽ കേന്ദ്ര ആരോഗ്യമന്ത്രിയോട് മറുപടി ആവശ്യപ്പെട്ട് യൂത്ത് കോണ്ഗ്രസ് ദേശീയ അധ്യക്ഷൻ ബിവി ശ്രീനിവാസ്.
“ഗോമൂത്രം കുടിക്കുന്നത് ശ്വാസകോശ സംബന്ധമായ പ്രശ്നങ്ങൾ ഇല്ലാതാക്കാൻ സഹായിക്കുമെന്നും അവർ അങ്ങനെ ചെയ്യുന്നതിനാൽ കോവിഡ് ബാധിച്ചില്ലെന്നും ബിജെപി എംപി പ്രജ്ഞ സിങ് താക്കൂർ പറയുന്നു; ഇത് സത്യമാണോ ഹര്ഷവര്ധന് സര്?,”-എന്നാണ് ബിവി ശ്രീനിവാസ് ചോദിച്ചത്. പ്രജ്ഞ സിങ് സംസാരിക്കുന്നതിന്റെ വീഡിയോയും അദ്ദേഹം പങ്കുവെച്ചിട്ടുണ്ട്.
“गौ मूत्र लेने से फेफड़ों का इंफेक्शन दूर होता है, मैं लेती हूं इसलिए मुझे कोरोना नहीं हुआ” :
– BJP सांसद प्रज्ञा@drharshvardhan – Sir, is it true? pic.twitter.com/jLdyR2PBSs
— Srinivas B V (@srinivasiyc) May 17, 2021
ഒരു പൊതു പരിപാടിക്കിടെയാണ് പ്രജ്ഞയുടെ വിവാദ പ്രസ്താവന. “ഇന്ത്യൻ പശുക്കളുടെ മൂത്രം കുടിക്കുന്നത് ശ്വാസകോശത്തിലെ പകർച്ചവ്യാധി കുറക്കാൻ സഹായിക്കും. ഞാൻ എന്നും ഗോമൂത്രം കുടിക്കാറുണ്ട്. അതുകൊണ്ടാണ് എനിക്ക് ഇപ്പോൾ കോവിഡ്ബാധ ഇല്ലാത്തത്,”- പ്രജ്ഞ സിങ് താക്കൂർ പറയുന്നു. ഇതിന്റെ വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്.
Also Read: ഓക്സിജൻ ക്ഷാമം മൂലമുള്ള മരണം; നഷ്ടപരിഹാരം നൽകുന്നത് പരിഗണിക്കണം; ഡെൽഹി ഹൈക്കോടതി