ജറുസലേം: അൽ- അഖ്സ പള്ളിയിൽ ഇസ്രയേലി പോലീസുമായി ഉണ്ടായ സംഘർഷത്തിൽ 67 പലസ്തീനികൾക്ക് പരിക്കേറ്റു. വെള്ളിയാഴ്ച പുലർച്ചെയായിരുന്നു സംഭവം. സംഘർഷത്തിന്റെ കാരണം ഇതുവരെ വ്യക്തമല്ല.
വെള്ളിയാഴ്ച രാവിലെ നൂറുകണക്കിന് ആളുകൾ ഒത്തുകൂടിയ സമയം ഇസ്രയേലി പോലീസ് പള്ളിക്ക് അകത്തേക്ക് അതിക്രമിച്ച് കയറുകയായിരുന്നു എന്ന് അൽ- അഖ്സ അധികൃതർ ആരോപിച്ചു. ഗ്രനേഡും കണ്ണീർ വാതകവും പ്രയോഗിച്ച് കൊണ്ടാണ് പോലീസ് അകത്തേക്ക് കയറിയത്.
പരിക്കേറ്റ 59 പേരെ ആശുപത്രിയിലേക്ക് മാറ്റിയിരിക്കുകയാണ്. പോലീസ് റബർ ബുള്ളറ്റ് പ്രയോഗിച്ചതിനെ തുടർന്ന് പള്ളിയിലെ കാവൽക്കാരിൽ ഒരാളുടെ കണ്ണിന് പരിക്കേറ്റതായി പള്ളി അധികൃതർ പറഞ്ഞു. എന്നാൽ, ഇസ്രയേൽ ഇക്കാര്യത്തിൽ പ്രതികരിച്ചിട്ടില്ല.
Most Read: പ്രായമല്ല, പ്രണയമാണ് എല്ലാം; 82കാരിക്ക് ജീവിതപങ്കാളിയായി 36കാരൻ