വൻ വിജയമായ ‘ജനത ഗാരേജി’ന് ശേഷം ജൂനിയര് എന്ടിആറും കൊരട്ടാല ശിവയും വീണ്ടും കൈകോർക്കുന്നു. ജൂനിയര് എന്ടിആറിന്റെ മുപ്പതാമത് സിനിമയെന്ന പ്രത്യേകതയുമുണ്ട് ഈ ചിത്രത്തിന്. എന്ടിആര് 30 എന്ന പേരിൽ അറിയപ്പെടുന്ന ചിത്രം പാന് ഇന്ത്യനായാണ് ഒരുങ്ങുന്നത്.
യുവസുധ ആര്ട്സ് മിക്കിലിനെനി സുധാകറും എന്ടിആര് ആര്ട്സിന്റെ ബാനറില് കൊസരജു ഹരികൃഷ്ണയും നിര്മിക്കുന്ന ചിത്രത്തിന്റെ ഷൂട്ടിംഗ് ജൂണ് രണ്ടാം പകുതിയില് ആരംഭിക്കുമെന്നാണ് അണിയറ പ്രവർത്തകരിൽ നിന്നും ലഭിക്കുന്ന വിവരം.
2022 ഏപ്രില് 29ന് ചിത്രം ബഹുഭാഷകളിലായി റിലീസ് ചെയ്യാനാണ് അണിയറക്കാർ പ്രതീക്ഷിക്കുന്നത്. മലയാളത്തിന്റെ സ്വന്തം മോഹന്ലാലും പ്രധാന വേഷത്തില് എത്തിയ ‘ജനതാ ഗാരേജി’നായാണ് നേരത്തെ ജൂനിയര് എന്ടിആറും കൊരട്ടാല ശിവയുംആദ്യമായി ഒന്നിച്ചത്. 2016ലായിരുന്നു ചിത്രത്തിന്റെ റിലീസ്. ‘ജനതാ ഗാരേജ്’ നേടിയ വിജയം വീണ്ടും ആവർത്തിക്കാൻ ആകുമെന്നാണ് ഇരുവരുടെയും പ്രതീക്ഷ.
‘ആചാര്യ’യാണ് കൊരട്ടാല ശിവ ഒടുവില് സംവിധാനം ചെയ്ത ചിത്രം. ചിരഞ്ജിവിയും രാംചരണും ഒന്നിക്കുന്ന സിനിമയാണിത്. അതേസമയം രാജമൗലിയുടെ സംവിധാനത്തിൽ ഒരുങ്ങുന്ന ‘ആര്ആര്ആര്’ ആണ് ജൂനിയര് എന്ടിആറിന്റേതായി പുറത്തിറങ്ങാനുള്ള ചിത്രം.
Read Also: അർജുൻ അശോകൻ നായകനാവുന്ന ‘വൂൾഫ്’ ഒടിടി റിലീസിന് ഒരുങ്ങുന്നു