മലപ്പുറം: തിരൂരിൽ യന്ത്രതകരാറിനെ തുടർന്ന് നിർത്തിവെച്ച സിൽവർ ലൈൻ സർവേ ലൈനുകൾ സ്‌ഥാപിക്കുന്ന നടപടികൾ ഇന്ന് പുനഃരാരംഭിക്കും. കഴിഞ്ഞ ദിവസം പ്രവർത്തി നിർത്തിവച്ച തലക്കാട് വെങ്ങാലൂരിൽ നിന്നാണ് പ്രവർത്തികൾ വീണ്ടും ആരംഭിക്കുക.
തിരൂരിൽ നേരത്തെ ഉണ്ടായ സംഘർഷ സാധ്യത കണക്കിലെടുത്ത് ജനവാസ മേഖലയിൽ കൂടുതൽ പോലീസിനെ വിന്യസിച്ചായിരിക്കും കല്ലുകൾ സ്‌ഥാപിക്കുക.
ഉദ്യോഗസ്‌ഥർ ഇന്ന് ഉച്ചയോടെ തിരുന്നാവായയിൽ പ്രവേശിക്കും. സംസ്‌ഥാനത്ത് അദ്യമായി സിൽവർ ലൈൻ വിരുദ്ധ സമരം ആരംഭിച്ച പ്രദേശമാണിത്. പഞ്ചായത്തിൽ ആദ്യം സ്‌ഥലം ഏറ്റെടുക്കേണ്ടത് സൗത്ത് പല്ലാറിലാണ് .ഈ പ്രദേശത്ത് 200 ഓളം വീടുകൾ, കൃഷി ഇടങ്ങൾ, പക്ഷികളുടെ ആവാസ കേന്ദ്രം എന്നിവയുണ്ട്. ഈ സാഹചര്യത്തിൽ ഉദ്യോഗസ്‌ഥർ സ്‌ഥലത്ത് എത്തിയാൽ നാട്ടുകാർ സംഘടിക്കുമെന്ന് സമരസമിതി നേരത്തെ വ്യക്‌തമാക്കിയിരുന്നു.
അതേസമയം ഇന്നലെ പ്രതിഷേധം നടന്ന കല്ലായി മേഖലയിൽ ബിജെപി സംസ്‌ഥാന അധ്യക്ഷൻ കെ സുരേന്ദ്രൻ ഇന്ന് സന്ദർശനം നടത്തും. ഇന്നലെ കല്ലായി മേഖലയിൽ സ്‌ഥാപിച്ച കല്ലുകളെല്ലാം പ്രതിഷേധക്കാർ പിഴുതെറിഞ്ഞിരുന്നു.
Most Read: യുദ്ധത്തെ എതിര്‍ക്കുന്ന റഷ്യക്കാര്‍ വഞ്ചകർ; പുടിൻ
