കണ്ണൂര്‍: സര്‍വകലാശാലയില്‍ ചോദ്യ പേപ്പർ മാറി നൽകി. രണ്ടാം സെമസ്‌റ്റർ ഇംഗ്ളീഷ് പരീക്ഷയുടെ ചോദ്യപേപ്പറാണ് മാറി നൽകിയത്. കണ്ണൂർ എസ്എൻ കോളേജിലാണ് നാളെ നടക്കാനിരുന്ന പരീക്ഷയുടെ ചോദ്യപേപ്പറുകൾ വിതരണം ചെയ്തത്.
ഇതേ തുടർന്ന് പരീക്ഷകൾ മാറ്റിവെച്ചതായി കണ്ണൂർ സര്‍വകലാശാല അറിയിച്ചു. നാളത്തെ രണ്ടാം സെമസ്‌റ്റർ ബിരുദ പരീക്ഷകളാണ് മാറ്റിയത്. പുതുക്കിയ തീയതി പിന്നീട് അറിയിക്കും.
നാളെ നടക്കേണ്ടിയിരുന്ന ഇംഗ്ളീഷ് പരീക്ഷയുടെ ‘റീഡിങ്സ് ഓൺ ജൻഡർ’ എന്ന പേപ്പറിന്റെ ചോദ്യപേപ്പറാണ് ഇന്ന് വിതരണം ചെയ്തത്. റീഡിങ്സ് ഓൺ ലൈഫ് ആൻഡ്‌ നേച്ചർ എന്ന പരീക്ഷയായിരുന്നു ഇന്ന് നടക്കേണ്ടിയിരുന്നത്.
അതേസമയം നാളത്തെ ബിഎ അഫ്‌സൽ ഉലമ പരീക്ഷയ്‌ക്ക് മാറ്റമില്ല.
Most Read: സ്‌ഥലംമാറ്റം ശിക്ഷയല്ല, കുട്ടിക്ക് നഷ്‌ടപരിഹാരം കൊടുക്കണം; സർക്കാരിനോട് ഹൈക്കോടതി
