ബെംഗളൂരു: കോവിഡ് വ്യാപനം കുറഞ്ഞ സാഹചര്യത്തിൽ നിയന്ത്രണങ്ങളില് കൂടുതല് ഇളവുകള് പ്രഖ്യാപിച്ച് കര്ണാടക സര്ക്കാര്. സംസ്ഥാനത്തെ എല്ലാ കടകളും രാവിലെ ആറ് മുതൽ വൈകിട്ട് അഞ്ചു മണി വരെ തുറന്നു പ്രവര്ത്തിക്കാം. ഹോട്ടലുകളില് 50 ശതമാനം സീറ്റുകളില് ആളുകള്ക്ക് ഇരുന്ന് ഭക്ഷണം കഴിക്കാനും അനുമതി നല്കി
പൊതുഗതാഗതവും ഭാഗീകമായി അനുവദിച്ചിട്ടുണ്ട്. ജിമ്മുകൾക്കും തുറക്കാൻ അനുമതി നൽകി. ബെംഗളൂരു ഉൾപ്പടെ 16 ജില്ലകളിലാണ് കൂടുതൽ ഇളവുകൾ പ്രഖ്യാപിച്ചത്. അതേസമയം ടെസ്റ്റ് പോസിറ്റിവിറ്റി നിരക്ക് ഉയര്ന്ന 13 ജില്ലകളില് ലോക്ക്ഡൗണ് നിയന്ത്രണങ്ങള് തുടരും. വൈകിട്ട് ഏഴ് മുതല് രാവിലെ അഞ്ചു വരെ ഏര്പ്പെടുത്തിയ രാത്രികാല കര്ഫ്യൂ സംസ്ഥാനത്തുടനീളം തുടരും.
ടെസ്റ്റ് പോസിറ്റിവിറ്റി നിരക്ക് ഒരു ശതമാനമായതോടെ തെലങ്കാനയില് ലോക്ക്ഡൗണ് പൂര്ണമായും പിന്വലിക്കാന് ഇന്നലെ തീരുമാനിച്ചിരുന്നു. കോവിഡ് രണ്ടാം തരംഗത്തിലെ രോഗവ്യാപനം കുറയുന്ന സാഹചര്യം കണക്കിലെടുത്താണ് ലോക്ക്ഡൗണ് പൂര്ണമായും പിന്വലിക്കാന് മന്ത്രിസഭ തീരുമാനിച്ചതെന്ന് മുഖ്യമന്ത്രിയുടെ ഓഫിസ് അറിയിച്ചു.
Also Read: തൃണമൂൽ എംഎൽഎ ജയന്ത നസ്കർ അന്തരിച്ചു