തിരുവനന്തപുരം: ഗ്രാമപഞ്ചായത്തുകളിൽ ഇഞ്ചോടിഞ്ച് പോരാട്ടമാണ് നടക്കുന്നത്. 41 ഇടങ്ങളിൽ എൽഡിഎഫും 41 യുഡിഎഫും മുന്നേറുന്നു. 5 ഇടങ്ങൾ ബിജെപി കയ്യടക്കിയിരിക്കുകയാണ്.
അതേസമയം, തപാൽ വോട്ടുകൾ എണ്ണുമ്പോള്‍ കൊല്ലം കോര്‍പറേഷനില്‍ എല്‍ഡിഎഫ് ലീഡ് ചെയ്യുന്നു. എട്ട് വാര്‍ഡുകളിലാണ് എല്‍ഡിഎഫ് ലീഡ് ചെയ്യുന്നത്. തിരുവനന്തപുരം കോര്‍പറേഷനിലും എല്‍ഡിഎഫ് ലീഡ് ചെയ്യുകയാണ്. കട്ടപ്പനയില്‍ യുഡിഎഫ് ലീഡ് ചെയ്യുകയാണ്.
രാവിലെ എട്ട് മണിയോടെ വോട്ടെണ്ണല്‍ ആരംഭിച്ചു. 244 വോട്ടെണ്ണല്‍ കേന്ദ്രങ്ങളാണുള്ളത്. ആദ്യം എണ്ണുക തപാല്‍ വോട്ടുകളാണ്. സര്‍വീസ് വോട്ടുകള്‍ക്കു പുറമേ കൊവിഡ് ബാധിതരും നിരീക്ഷണത്തില്‍ കഴിയുന്നവരും ചെയ്‌ത സ്‌പെഷ്യൽ തപാല്‍ വോട്ടുകളും ഒരുമിച്ചാകും എണ്ണുക. രണ്ടരലക്ഷത്തിലേറെയാണ് തപാല്‍ വോട്ടുകള്‍.
