തിരുവനന്തപുരം : കോവിഡ് വാക്സിൻ വിതരണത്തിലെ ആശങ്കകൾ പരിഹരിക്കണമെന്ന് ആവശ്യപ്പെട്ട് സമർപ്പിച്ച ഹരജികൾ ഇന്ന് ഹൈക്കോടതി പരിഗണിക്കും. നേരത്തെ ഹരജികൾ പരിഗണിച്ച സാഹചര്യത്തിൽ കേന്ദ്ര സർക്കാർ വിതരണം ചെയ്യുന്ന വാക്സിൻ സ്വകാര്യ ആശുപത്രികൾ വഴി വിതരണം ചെയ്യുന്നത് സംബന്ധിച്ച് സംസ്ഥാന സർക്കാരിനോട് കോടതി നിലപാട് തേടിയിരുന്നു. ഇക്കാര്യത്തിൽ സംസ്ഥാന സർക്കാർ ഇന്ന് കോടതിയിൽ മറുപടി നൽകിയേക്കും.
കൂടാതെ നിലവിൽ ആളുകൾക്ക് വാക്സിൻ സ്ളോട്ട് ലഭ്യമാകുന്നതിൽ പ്രശ്നങ്ങൾ നേരിടുന്നുണ്ട്. ഇത് പുതിയ വാക്സിൻ നയം നടപ്പിലാക്കുന്നതോടെ പരിഹരിക്കാൻ സാധിക്കുമെന്നാണ് കേന്ദ്രസർക്കാർ കോടതിയിൽ വ്യക്തമാക്കുന്നത്. വാക്സിൻ വിതരണത്തിനായുള്ള മുൻഗണന പട്ടികയിൽ ശുചീകരണ തൊഴിലാളികളെ ഉൾപ്പെടുത്തുന്ന കാര്യവും പരിഗണനയിൽ ഉണ്ടെന്ന് സർക്കാർ കോടതിയെ അറിയിച്ചു.
Read also : മുട്ടിൽ മരംകൊള്ള; ക്രൈം ബ്രാഞ്ച് സംഘം ഇന്ന് വയനാട്ടിൽ