തിരുവനന്തപുരം: പുരാവസ്‌തു തട്ടിപ്പ് നടത്തി അറസ്‌റ്റിലായ മോൻസൺ മാവുങ്കലുമായി കെ സുധാകരന് ബന്ധമുണ്ടെന്ന ആരോപണം തള്ളി കെ മുരളീധരൻ എംപി. കേസ് സർക്കാർ അന്വേഷിക്കട്ടെ, ഫ്രോഡുകളെ സമൂഹത്തിൽ നിന്ന് ഇല്ലാതാക്കണമെന്നും കെ മുരളീധരൻ എംപി പറഞ്ഞു.
ഒരു സ്‌ഥലത്ത്‌ നല്ല ചികിൽസയാണെന്ന് ആരെങ്കിലും പറഞ്ഞാൽ ഉടനെ അങ്ങോട്ട് പോകുന്ന ഏർപ്പാട് സുധാകരനുണ്ടെന്നും ഇക്കാര്യവും അങ്ങനെ സംഭവിച്ചതാണെന്നും മുരളീധരൻ പറഞ്ഞു.
കൂടാതെ ദേശീയ തലത്തിൽ രാഹുൽ ഗാന്ധി നേതൃത്വ സ്‌ഥാനം ഏറ്റെടുത്ത് ശക്‌തമായ നിലപാട് സ്വീകരിക്കണമെന്നും കെ മുരളീധരൻ ചൂണ്ടിക്കാട്ടി. മുട്ടിൽ മരംമുറി കേസിൽ പ്രതികൾക്ക് ജാമ്യം ലഭിക്കാൻ സർക്കാർ കൂട്ടുനിന്നെന്നും, മരം മുറിക്കൽ കേസ് അട്ടിമറിക്കുന്നതിന്റെ സൂചനയാണ് പ്രതികളുടെ ജാമ്യമെന്നും മുരളീധരൻ കൂട്ടിച്ചേർത്തു.
Read also: ചർച്ചകളിൽ പങ്കെടുക്കാം; നിലപാട് മാറ്റി കോൺഗ്രസ്
