കൊച്ചി: എന്‍.ഐ.എ ഓഫീസില്‍ മന്ത്രി കെ.ടി ജലീലിന്റെ ചോദ്യം ചെയ്യല്‍ പൂര്‍ത്തിയായി. എട്ട് മണിക്കൂറോളമാണ് മന്ത്രിയെ ചോദ്യം ചെയ്തത്.
ഇന്ന് പുലര്‍ച്ചെ ആറുമണിയോടെ സ്വകാര്യ വാഹനത്തിലാണ് കെ ടി ജലീല്‍ ചോദ്യം ചെയ്യലിനായി എന്‍.ഐ.എ ഓഫീസിലെത്തിയത്. കഴിഞ്ഞ ദിവസം ലഭിച്ച നോട്ടീസിന്റെ അടിസ്ഥാനത്തിലാണ് മന്ത്രി എത്തിയത്. മതഗ്രന്ഥത്തിന്റ മറവില്‍ ഏതെങ്കിലും ഹവാല ഇടപാടുകള്‍ നടന്നിട്ടുണ്ടോ എന്നതാണ് പരിശോധനാ വിഷയം.
എന്നാല്‍ ആദ്യഘട്ടത്തില്‍ മറ്റു പ്രതികളെ അടക്കം എന്‍ഫോഴ്സ്മെന്റ് ചോദ്യം ചെയ്തതില്‍ മന്ത്രിക്കെതിരെ തെളിവുകള്‍ കണ്ടെത്താന്‍ കഴിഞ്ഞിട്ടില്ല എന്നാണ് വിവരം. അതേസമയം ജലീലിന്റെ രാജി ആവശ്യപ്പെട്ട് പ്രതിഷേധം ശക്തമാവുകയാണ്.
