തൃശൂര്: തലശ്ശേരിയില് ഒരു കാരണവശാലും എല്ഡിഎഫ് സ്ഥാനാർഥി വിജയിക്കരുതെന്ന് നടനും തൃശൂര് എന്ഡിഎ സ്ഥാനാർഥിയുമായ സുരേഷ് ഗോപി. തലശ്ശേരിയില് എന്ഡിഎക്ക് സ്ഥാനാർഥിയില്ലാത്ത പശ്ചാത്തലത്തില് ആര് ജയിക്കണമെന്നാണ് ആഗ്രഹമെന്ന ചോദ്യത്തിനായിരുന്നു സുരേഷ് ഗോപിയുടെ മറുപടി.
തലശ്ശേരിയില് ആരൊക്കെയാണ് എതിര് സ്ഥാനാർഥികളെന്ന് അന്വേഷിച്ച സുരേഷ് ഗോപി ഷംസീറിന്റെ പേര് കേട്ട ഉടനെ ഒരു കാരണവശാലും വിജയിക്കരുതെന്ന് മറുപടി പറയുകയായിരുന്നു. ബിജെപി ദേശീയ അധ്യക്ഷന് ജെപി നഡ്ഡയുടെ ഒപ്പ് രേഖപ്പെടുത്തിയ ഫോം ‘എ’ ഹാജരാക്കിയില്ല എന്ന് ചൂണ്ടിക്കാട്ടി തലശ്ശേരിയിലെ എൻഡിഎ സ്ഥാനാർഥി എൻ ഹരിദാസിന്റെ നാമനിർദേശ പത്രിക തള്ളിയിരുന്നു.
ഇതിന് പിന്നാലെ യുഡിഎഫ്-ബിജെപി ധാരണയുണ്ടെന്ന തരത്തിലുള്ള പ്രചാരണങ്ങള് നിലനിന്നിരുന്നു. ഇതിനിടെയാണ് ഷംസീര് ജയിക്കരുതെന്ന് പരസ്യമായി സുരേഷ് ഗോപി പ്രഖ്യാപിച്ചിരിക്കുന്നത്.
Read also: ആഴക്കടല് വിവാദം; മുഖ്യമന്ത്രിക്കെതിരെ വിമർശനവുമായി വീണ്ടും കൊല്ലം രൂപത