പാലക്കാട്: ജില്ലയിലെ ധോണിയിൽ ജനവാസ മേഖലയിൽ ഒരാഴ്ചക്കിടെ രണ്ടാമതും പുലിയിറങ്ങി. ഇന്ന് പുലർച്ചെ രണ്ടരയോടെയാണ് പുലിയിറങ്ങിയത്. തുടർന്ന് കോഴിയെ പിടികൂടുന്നതിന്റെ സിസിടിവി ദൃശ്യങ്ങളുണ്ട്. കഴിഞ്ഞ വെള്ളിയാഴ്ചയും സമാന രീതിയിൽ ജനവാസ മേഖലയിൽ ഇറങ്ങിയ പുലി കോഴിയെ പിടികൂടിയിരുന്നു.
നിലവിൽ കഴിഞ്ഞ 3 മാസങ്ങളിലായി 10ലേറെ തവണയാണ് ധോണിയിലെ ജനവാസ മേഖലയിൽ പുലിയിറങ്ങുന്നത്. കൂടാതെ 10 ദിവസത്തിനിടെ മൂന്നാം തവണയാണ് പ്രദേശത്ത് പുലിയുടെ സാന്നിധ്യം ഉണ്ടാകുന്നത്.
തുടർച്ചയായി പുലി ഇറങ്ങുന്ന സാഹചര്യത്തിൽ വനംവകുപ്പ് കർശന നടപടി സ്വീകരിക്കണമെന്നാണ് നാട്ടുകാർ ആവശ്യമുന്നയിക്കുന്നത്. കൃഷി, വളർത്തുമൃഗ പരിപാലനം എന്നിവ തൊഴിലാക്കിയ ആളുകളാണ് ഈ മേഖലയിൽ കൂടുതലും. നിലവിൽ പുലിയുടെ സാന്നിധ്യം തുടർച്ചയായി ഉണ്ടാകുന്നതോടെ ഇവർ ആശങ്കയിലാണ്.
Read also: അങ്കണവാടിയിൽ മൂന്ന് വയസുകാരന് മർദ്ദനം; ആയക്കെതിരെ കേസ്