മലപ്പുറം: മഅ്ദിൻ അക്കാദമി റമളാന്‍ ഇരുപത്തിയേഴാം രാവില്‍ സംഘടിപ്പിക്കുന്ന പ്രാർഥനാ സമ്മേളനത്തോട് അനുബന്ധമായ പരിപാടികള്‍ക്ക് തുടക്കമായി ഓണ്‍ലൈനായി നടക്കുന്ന പരിപാടി സമസ്‌ത സെക്രട്ടറി പൊൻമള അബ്‌ദുൽ ഖാദിര്‍ മുസ്‌ലിയാര്‍ ഉൽഘാടനം നിർവഹിച്ചു.
ആയിരം മാസങ്ങളേക്കാള്‍ പുണ്യമുള്ള രാത്രി അഥവാ ലൈലത്തുല്‍ ഖദ്ർ ഏറ്റവും കൂടുതല്‍ പ്രതീക്ഷിക്കപ്പെടുന്ന ദിവസമാണ് റമളാന്‍ 27ആം രാവെന്നും പ്രസ്‌തുത ദിവസം വിശ്വാസികള്‍ സുകൃതങ്ങളില്‍ മുഴുകണമെന്നും അബ്‌ദുൽ ഖാദിര്‍ മുസ്‌ലിയാര്‍ പറഞ്ഞു. ലോക് ഡൗൺ പാശ്‌ചാത്തലത്തിൽ സര്‍ക്കാരും ആരോഗ്യ പ്രവര്‍ത്തകരും നിര്‍ദേശിക്കുന്ന കാര്യങ്ങള്‍ പൂര്‍ണമായും പാലിച്ച് വീട്ടില്‍ കഴിയണമെന്നും ആരോഗ്യ സംരക്ഷണത്തിന് വളരെ വലിയ പുണ്യമാണ് പ്രപഞ്ച നാഥന്‍ വാഗ്‌ദാനം ചെയ്‌തിട്ടുള്ളതെന്നും ഇദ്ദേഹം വിശ്വാസികളെ ഓർമപ്പെടുത്തി.
മഅ്ദിൻ ചെയര്‍മാന്‍ സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി അധ്യക്ഷത വഹിച്ച ചടങ്ങിൽ സയ്യിദ് ഹബീബ് കോയ തങ്ങള്‍ ചെരക്കാപറമ്പ് പ്രാർഥനക്ക് നേതൃത്വം നല്‍കി. സയ്യിദ് ഇസ്‌മാഈല്‍ അല്‍ ബുഖാരി കടലുണ്ടി, സയ്യിദ് അബ്‌ദുള്ള ഹബീബ് റഹ്‌മാൻ ബുഖാരി, സയ്യിദ് ശിഹാബുദ്ധീന്‍ ബുഖാരി കടലുണ്ടി, എസ്‌വൈഎസ്‌ സംസ്‌ഥാന ഉപാധ്യക്ഷന്‍ എന്‍എം സ്വാദിഖ് സഖാഫി പെരിന്താറ്റിരി, ജില്ലാ പ്രസിഡണ്ട് ഹസൈനാര്‍ സഖാഫി കുട്ടശ്ശേരി, ഇബ്‌റാഹീം ബാഖവി മേല്‍മുറി, അബ്‌ദുൽ ജലീല്‍ സഖാഫി കടലുണ്ടി, അബൂബക്കര്‍ സഖാഫി അരീക്കോട്, അബൂശാക്കിര്‍ സുലൈമാന്‍ ഫൈസി കിഴിശ്ശേരി, കെ മുഹമ്മദ് ഇബ്‌റാഹീം മലപ്പുറം, മുജീബ് റഹ്‌മാന്‍ വടക്കേമണ്ണ എന്നിവര്‍ പ്രസംഗിച്ചു.
സമസ്‌തയുടെ സമുന്നത നേതാക്കളായിരുന്ന അലനല്ലൂര്‍ അബ്‌ദുള്ള മുസ്‌ലിയാര്‍, വൈലത്തൂര്‍ ബാവ മുസ്‌ലിയാര്‍, സികെ മുഹമ്മദ് ബാഖവി എന്നിവരുടെ അനുസ്‌മരണവും പരിപാടിയില്‍ നടന്നു. ഇന്ന് രാത്രി 9ന് പ്രാർഥനാ സമ്മേളന സമാപന പരിപാടികള്‍ ആരംഭിക്കും. അഖിലേന്ത്യാ സുന്നി ജംഇയ്യത്തുല്‍ ഉലമ ജനറല്‍ സെക്രട്ടറിയും ഇന്ത്യൻ ഗ്രാൻഡ് മുഫ്‌തിയുമായ കാന്തപുരം എപി അബൂബക്കര്‍ മുസ്‌ലിയാരാണ് പ്രാർഥനാ സമ്മേളന സമാപന പരിപാടി ഉൽഘാടനം നിർവഹിക്കുന്നത്. സമസ്‌ത പ്രസിഡണ്ട് ഇ സുലൈമാന്‍ മുസ്‌ലിയാര്‍ അധ്യക്ഷത വഹിക്കുന്ന പരിപാടിയിൽ മഅ്ദിന്‍ ചെയര്‍മാന്‍ സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി സന്ദേശ പ്രഭാഷണവും പ്രാർഥനയും നിര്‍വഹിക്കും. പ്രമുഖ ആഗോള ഇസ്‌ലാമിക പണ്ഡിതന്‍ ഹബീബ് ഉമര്‍ ബിന്‍ ഹഫീള് ഹളര്‍മൗത്ത് ചടങ്ങിൽ മുഖ്യാതിഥിയാകും. സമസ്‌ത കേരള ജംഇയ്യത്തുല്‍ ഉലമ ഉപാധ്യക്ഷന്‍ സയ്യിദ് അലി ബാഫഖി തങ്ങള്‍ പ്രാരംഭ പ്രാർഥന നിര്‍വഹിക്കും.
സയ്യിദ് സൈനുല്‍ ആബിദീന്‍ ബാഫഖി മലേഷ്യ, പേരോട് അബ്‌ദുറഹ്‌മാൻ സഖാഫി, മര്‍കസ് മാനേജറും ഹജ്‌ജ് കമ്മിറ്റി ചെയര്‍മാനുമായ സി മുഹമ്മദ് ഫൈസി, എസ്‌വൈഎസ്‌ സംസ്‌ഥാന പ്രസിഡണ്ട് സയ്യിദ് ത്വാഹാ തങ്ങള്‍ കുറ്റ്യാടി, എസ്‌എസ്‌എഫ് സംസ്‌ഥാന പ്രസിഡണ്ട് നിസാമുദ്ധീന്‍ ഫാളിലി കൊല്ലം, പ്രഫ. എകെ. അബ്‌ദുൽ ഹമീദ്, മുസ്‌തഫ മാസ്‌റ്റർ കോഡൂര്‍ എന്നിവര്‍ സമാപന പരിപാടിയിൽ പ്രഭാഷണം നിർവഹിക്കും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
സമസ്‌ത പ്രസിഡണ്ട് ഇ സുലൈമാന്‍ മുസ്‌ലിയാര്‍ അധ്യക്ഷത വഹിക്കുന്ന പരിപാടിയിൽ മഅ്ദിന്‍ ചെയര്‍മാന്‍ സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി സന്ദേശ പ്രഭാഷണവും പ്രാർഥനയും നിര്‍വഹിക്കും. പ്രമുഖ ആഗോള ഇസ്‌ലാമിക പണ്ഡിതന്‍ ഹബീബ് ഉമര്‍ ബിന്‍ ഹഫീള് ഹളര്‍മൗത്ത് ചടങ്ങിൽ മുഖ്യാതിഥിയാകും. സമസ്‌ത കേരള ജംഇയ്യത്തുല്‍ ഉലമ ഉപാധ്യക്ഷന്‍ സയ്യിദ് അലി ബാഫഖി തങ്ങള്‍ പ്രാരംഭ പ്രാർഥന നിര്‍വഹിക്കും.
