കോഴിക്കോട്: ബൈക്കപകടത്തില് പരിക്കേറ്റ് ചികിൽസയിൽ കഴിയുകയായിരുന്ന യുവാവ് മരിച്ചു. വടകര ഓര്ക്കാട്ടേരി കുഞ്ഞിപ്പുരയില് രമേശന്- ബവിത ദമ്പതികളുടെ മകന് അക്ഷയ് ആണ് മരണപ്പെട്ടത്.
ഞായറാഴ്ച രാത്രി എട്ട് മണിയോടെ വള്ളിക്കാട് ബാലവാടിയിൽ ആയിരുന്നു അപകടം നടന്നത്. കൈനാട്ടി ഭാഗത്തുനിന്നും സുഹൃത്തിനൊപ്പം സ്കൂട്ടറിന് പിറകില് വരികയായിരുന്ന അക്ഷയ് പെട്ടെന്ന് റോഡിലേക്ക് തെറിച്ചു വീഴുകയായിരുന്നു.
ആദ്യം വടകരയിലെ ആശുപത്രിയില് പ്രവേശിപ്പിച്ചെങ്കിലും പിന്നീട് വിദഗ്ധ ചികിൽസക്കായി കോഴിക്കോട് സ്വകാര്യ ആശുപത്രിയിലേക്ക് മാറ്റി. എന്നാൽ ചികിൽസക്കിടെ തിങ്കളാഴ്ചയാണ് മരണം സംഭവിച്ചത്.
അതേസമയം ജില്ലയിൽ ബൈക്ക് അപകടങ്ങള് പതിവാകുകയാണ്. ഹെല്മറ്റ് ശരിയായ ധരിക്കാത്ത ഇരുചക്രവാഹന യാത്രികരാണ് തലയ്ക്കും മറ്റും ഗുരുതരമായി പരിക്കേറ്റ് മരണപ്പെടുന്നത്. അടുത്ത കാലത്തിനിടയ്ക്ക് നിരവധി യുവാക്കളുടെ ജീവനുകളാണ് റോഡിൽ പൊലിഞ്ഞത്.
Malabar News: കനത്ത മഴ; കാഞ്ഞിരപ്പുഴയിലും തെങ്കരയിലും വ്യാപക നാശനഷ്ടം