മാനന്തവാടി: പക്രംതളം-കുറ്റ്യാടി ചുരം റോഡിന് കെഎസ്‌ടിപിയിൽ നിന്ന് 85 കോടി അനുവദിച്ചു. കുറ്റ്യാടി തൊട്ടിൽപ്പാലം മുതൽ നിരവിൽപ്പുഴ വരെയുള്ള 23 കിലോമീറ്റർ റോഡിന്റെ നവീകരണ പ്രവർത്തനങ്ങൾക്കാണ് പണം അനുവദിച്ചതെന്ന്‌ മന്ത്രി മുഹമ്മദ്‌ റിയാസ്‌ അറിയിച്ചു. നേരത്തെ ഈ റോഡിന്റെ വയനാട് ജില്ലയിലെ ഭാഗമായ മാനന്തവാടിയിൽ നിന്ന് നിരവിൽപ്പുഴ വരെയുള്ള റോഡ് നവീകരിച്ച്‌ ഹൈടെക്കാക്കിയിരുന്നു.
കോഴിക്കോട്‌ ജില്ലയുടെ ഭാഗത്തെ പ്രവർത്തികൂടി പൂർത്തിയാകുന്നതോടെ വടക്കേ വയനാട്ടിൽ നിന്ന് കോഴിക്കോട്ടെത്താനുള്ള യാത്ര കൂടുതൽ സുഗമമാകും. മലബാറിലെ പ്രധാനപ്പെട്ട ഈ അന്തർസംസ്‌ഥാന പാത മൈസൂരു, ബെംഗളൂരു എന്നിവിടങ്ങളിലേക്ക് എളുപ്പമെത്താനുള്ള റോഡ് കൂടിയാണ്. മന്ത്രി പിഎ മുഹമ്മദ്‌ റിയാസും ജനപ്രതിനിധി, ഉദ്യോഗസ്‌ഥ സംഘവും തൊട്ടിൽപ്പാലം ഭാഗത്തെ ചുരം റോഡ് സന്ദർശിച്ച്‌ പരിശോധന നടത്തി.
Read Also: ആലപ്പുഴ മെഡിക്കല്‍ കോളേജ് സൂപ്രണ്ടിന് മനുഷ്യാവകാശ കമ്മീഷന്റെ നോട്ടീസ്
